Sakaliya
9 Onondaka mbapopiwa:
“Ondaka ya Siovaa yaendela otyilongo tyo Andalake,
Mokonda omaiho a Siovaa eli nokutala ovanthu aveho,+
Nomihoko aviho vyo Isilayeli.
2 Ikoyesa o Hamate+ yelihula no Isilayeli,
3 Tilu welitungila ovimato viokwapama.*
Waongiya opalata aikala ngombuma yeheke,
Waongiya oolu, aikala ngovipuka viokusilisa omatapalo.+
4 Talei! Siovaa mekemupola omalumono ae,
Makahanya omaswalali ae, eeyumbu melunga.*+
Ngwe maikapia-po notupia.+
5 Asikaloo meketyimona, atili owoma.
Ngasa makakala notyiho otyinene,
Na Ekoloo makakala notyiho otyinene, mokonda una ankho ayumba onthumbi wakundiswa.
Mo Ngasa kamamukakala vali ohamba,
Mo Asikaloo kamukakala omunthu nawike.+
6 Mo Asindonde mamukakala omona wahatyitililwe-mo,
Mandyikamana-ko omalityindailo ova Filisitiya.+
7 Mandyimupolo ovipuka vili momulungu wae viokwasila ohonde,
Novipuka vitoyesa vili komayo ae,
Makahupa akakala wa Huku yetu.
Makakala ngohongoi* mo Sundaa,+
Ekoloo makakala ngova Sembusi.+
8 Mandyikaonga onthanda ngomuyungi,* andyiyakulila eumbo liange,+
Ku una ukwata-mo na una unyingila-mo.
Kamukakwata vali omunthu wokuna onya.*+
Mokonda pahe nelitalela-ko nomaiho ange mwene.*
9 Hambukwa unene mona wa Siyau omukainthu.
Twa ondolo yehambu mona wo Selusalei.
Tala! Ohamba yove ili nokuya no kwoove.+
10 Ko Efalaii, mandyikahanya-ko omatemba ovilwa,
Ko Selusalei mandyikahanya-ko ononkhambe mbovilwa.
Ononkhondyi mbovilwa, mambukahanywa-ko.
Ohamba yove maikaetela ombembwa ovanthu vovilongo,+
Maikatumina okuhimbikila kelunga atee kelunga ekwavo,
11 Ove mukai, mokonda yomphango yove yohonde,
Mandyikayovola ononkhwatwa mbove mbuli monyombo ihena omeva.+
12 Kondokei movimato viokwapama, onwe nonkhwatwa mbokuna ekevelelo.+
Hono, ame ndyikupopila okuti:
‘Ove mukai, mandyikekwavela onofika onombali.+
13 O Sundaa mandyikeipeta,* aikala onkhondyi yange.
O Efalaii maikakala ngohevo,
Mandyikapindula-po ovana vove, ove Siyau,
Ove Ngelesia, mankhakoyesa ovana vove,
Ove, mankhekukalesa omutunga womukwa-vita.’
14 Siovaa makalekesa umwe nawa okuti una ovanthu vae,
Ohevo yae maikaenda ngomuliakulo.
Tatekulu Ohamba Onene Siovaa makahika onkhwino,+
Makaenda novipepe vyo kombwelo yotyilongo.
15 Siovaa womambamba ovita, mekeveyakulila,
Ngwe mavakaliata-liata omamanya vayumbwa nonthwala, aveenyini-po.+
Mavakanwa, avahangayala ngatyina vanwa ovinyu.
Mavakakala tyeyula ngotyilindo,
16 Monthiki oyo, Siovaa Huku makayovola ovanthu vae,
Avakakala onongi mbae.+
Mokonda mavakakala ngomamanya omawa apakwa kotyaka,* avakalaimina motyilongo tyavo.+
17 Mokonda Huku una okankhenda okanene,+
Omuwa unene.
Ovilia mavikapa ononkhono ovakwendye,
Ei ovinyu omphe aikapa ononkhono ovahikwena.”+