Sakaliya
11 “Ove Limbanu, ikula omapito ove,
Opo otupia tuyoke-mo omiti viove omisendulu.
2 Ove muti omungalaviya liyavela, mokonda omusendulu wawa-po,
Omiti ominene viahanywa-po!
Liyavelei miti ominene vyo mo Mbasaa,
Mokonda otyiteta otyinene tyahanywa-po!
3 Tehelelei! Ovanthita vekahi nokuliyavela,
Mokonda omunkhima wavo wahanywa-po.
Tehelelei! Ononkhulika ononthutu* mbukahi nokukoma,
Mokonda oviteta ovinene viokuli kononthele mbo Solondau, viahanywa-ko.
4 “Siovaa Huku yange wati: ‘Lisa onongi mbapambulilwa okwipawa.+ 5 Vokumbulanda, vembwiipaa,+ mahi kavavelwa onombei. Vokumbulandesa+ vapopia okuti: “Siovaa ahilivikwe, mokonda matukala ovahona.” Ovanthita vambo vetupu okankhenda nambo.’+
6 “Siovaa wati: ‘Himakala vali nokankhenda novanthu vakala motyilongo etyi. Munthu na munthu mandyikemupakula pomavoko amukwavo, no pomavoko ohamba yae. Ngwe mavakahanya-po otyilongo etyi, ame hi-mekeveyovola pomavoko avo.’”
7 Onwe nongi mbokumoneswa ononkhumbi, nahimbika okulisa onongi mbokwapambulilwa okwiipawa+ opo ndyimukwateseko. Nakwata onomphangoti onombali, imwe andyiiluku okuti Okankhenda, onkhwavo andyiiluku okuti Okulikwata Okapandi,+ andyihimbika okulisa onongi. 8 Nataata ovanthita vetatu mohanyi ike vala, mokonda pahe ankho nepwila,* navo ankho pahe kavanthyande* vali. 9 Ame andyiti: “Himakala vali omunthita wenyi. Una ukahi nokunkhia, ankhie. Una ukahi nokuhanywa-ko, ahanywe-ko. Vana vahupa-po, velilie.” 10 Andyikwata omphangoti yange yokutiwa Okankhenda,+ andyiitipaula ovinthimbu, okuhanya-po omphango nalingile novanthu aveho. 11 Ngootyo, omphango oyo, yahanywa-po monthiki omo. Etyi onongi ankho mbokukahi nokumoneswa ononkhumbi mbetyimona, ambunoñgonoka okuti, oyo ondaka ya Siovaa.
12 Ame andyiveti: “Ine mwatala tyetavela fetei ondyambi yange; okuti katyitavela opo mweheifetei.” Avafete* ondyambi yange, onombongo 30 mbopalata.+
13 Siovaa amphopila okuti: “Onombongo vandanda nambo, mbupaka motyikasa tyonombongo.”+ Ame andyipolo onombongo ombo 30 mbopalata, andyimbupake motyikasa tyonombongo tyikala mondywo ya Siovaa.+
14 Pahe andyitipaula ovinthimbu omphangoti ya vali, itiwa Okulikwata Okapandi,+ okuhanya-po oupanga ankho uli pokati ko va Sundaa no va Isilayeli.+
15 Siovaa amphopila ati: “Pahe, pola-po oviti viomunthita uhasilivila.+ 16 Mokonda mandyipake omunthita motyilongo omu. Omunthita oo, kamakayunga onongi mbokukahi nokunkhia,+ kamakaovola oviketa, kamakahakula mbokuna ovipute,+ tupu kamakalisa mbokukahi nawa. Mahi, makalia-po ohitu yo mbokwanina,+ ekembuhukula omakondyo.+
17 Omunthita wange uhasilivila+ usa-po onongi, ngongo yae!+
Makatyokwa enkhanya nomutunga, apolwa eiho lyo kokulio.
Enkhanya liae malikasoya umwe aliho,
Eiho liae lyo kokulio malikalinga emphoki* aliahamono-po vali.”