Oseya
14 “Ove Isilayeli, kondoka ku Siovaa Huku yove,+
Aluho ove watokela, omokonda yovivi viove.
2 Kondokei ku Siovaa nonondaka ombu,
Mupopilei okuti: ‘Tupolele-po oviponyo vietu,+ tavela etyi tyikahi nawa,
Matukuhivilika nomilungu vietu*+ ngatyina oviawa viononthane.
3 O Asilia kamaiketuyovola.+
Kamatukavelama kononkhambe,+
Kamatukapopila vali etyi twalinga nomavoko etu okuti: “Ove Huku yetu!”
4 Mandyivepolo mondyila yavo yehe-youkwatyili.+
5 Mandyikalela Isilayeli ngeyombo.
Makakala nononthemo ngovifo,
Makakala nomii viaya kohi ngo viomiti vyo ko Limbanu.
6 Onompha mbae mambukeliyandyana,
Makakala omunene ngomundyambi,
Omuniko wae maukakala ngo womiti vyo ko Limbanu.
7 Mavakakala vali mokahi kae.
Mavakakuna ovilia, avakakala nononthemo ngomiti vionouva.+
Omunkhima wae* maukelifwa nomuti wonouva wo ko Limbanu.
8 Efalaii makapula okuti: ‘Kwaame ovilolo oviatyi?’+
Ame mandyikemukumbulula andyikemutekula.+
Mandyikakala ngomungalaviya una onompha mbayova.
Ovinyango vienyi mavitundu kwaame.”
9 Olie omunongo? Anoñgonoke ovipuka evi.
Olie walunguka? Evikungunyike.
Mokonda onondyila mba Siovaa mbaviuka,+
Ovaviuki mavakaendela-mo.
Mahi onondingavivi mavekelipunduka-mo.