Ovakoyesi
4 Etyi Eunde anyima, ova Isilayeli avalingi ñgoo vali etyi tyapenga komaiho a Siovaa.+ 2 Pahe Siovaa eveyekela* pomavoko a Sambii ohamba yo Kanaa,+ itumina ko Hasole. Onkhalamutwe yovakwa-vita vayo o Sisela, wo ko Halosete+ yovanthu vovilongo.* 3 Ova Isilayeli aveliyave ku Siovaa,+ mokonda vatila owoma Sambii* una omatemba 900 ovilwa ena onofoso,*+ ngwe wahukaisa-le ova Isilayeli+ momanima 20.
4 Ndembola, omukai omuuli,+ tembwaa Lapindote, oe wali omululiki wova Isilayeli pononthiki opo. 5 Uhole okupumphama mombwelo yomundende wae,* ukala pokati ko Lamaa+ no Mbetele,+ motyilongo tyonomphunda mbo Efalaii; ova Isilayeli venda kwe vakapopilwe ondaka ya Huku. 6 Atumu okwiihana Mbalake+ omona wa Ambinowau wo ko Kendesi-Nafitalii,+ emupopila ati: “Siovaa Huku yo Isilayeli wekutuma okuti: ‘Enda* komphunda Tambole, enda novalume 10.000 vo ko Nafitalii no vo ko Sembulau. 7 Mandyieta kwoove kondongi yo* Kisoo,+ Sisela onkhalamutwe yomaswalali a Sambii, nomatemba ae ovilwa nomafwalali ae, andyimupakula pomavoko ove.’”+
8 Mbalake emupopila okuti: “Ine twenda atuho, opo ndyenda, mahi ine kwende, ame himaende.” 9 Ngwe akumbulula okuti: “Tyotyili matwende atuho. Mahi ovilwa ovio have-ko mavietela omunkhima, mokonda Siovaa makapakula Sisela+ akankhia pomavoko omukai.” Ndembola akatuka, avaende na Mbalake ko Kendesi.+ 10 Mbalake akongo ova Sembulau nova Nafitalii+ vende ko Kendesi, ovalume 10.000 avemulandula. Ndembola nae aende navo.
11 Hembele omu Keneu wayapuka kova Keneu+ vakwavo vana vatuka mu Hombambe he-ivi ya Mwisesi,+ ekaka liae liatungilwa popepi nomuti omunene ko Saanani, ikala popepi no Kendesi.
12 Avapopila Sisela okuti Mbalake omona wa Ambinowau wapita komphunda Tambole.+ 13 Sisela aongiya liwa-liwa omatemba ae ovilwa, omatemba ovilwa 900 okuna onofoso,* nomaswalali ae aeho ko Halosete yovanthu vovilongo opo vende kondongi * Kisoo.+ 14 Ndembola apopila Mbalake okuti: “Katuka, ei onthiki Siovaa mapakula Sisela pomavoko ove. Ha Siovaa mekukalela komutwe?” Mbalake atuluka komphunda Tambole novalume 10.000 vemulandula. 15 Siovaa apipilisa+ Sisela, nomatemba ae aeho ovilwa, novakwa-vita vae aveho, avankhi komutunga wa Mbalake. Pahe Sisela atuluka metemba liae liovilwa, akahateka. 16 Mbalake alandula omatemba oo ovilwa, novakwa-vita atee ko Halosete yovanthu vovilongo. Ngootyo, ovakwa-vita aveho va Sisela avankhi komutunga, apahahupu nawike.+
17 Sisela akahateka no kekaka lya Saele+ tembwaa Hembele+ omu Keneu, mokonda Sambii+ ohamba yo Hasole no veumbo lya Hembele omu Keneu vena ombembwa. 18 Saele alupuka, avahonyena na Sisela, emupopila okuti: “Tatekulu endyu, nyingila muno. Wahatile owoma.” Anyingila mekaka liae, alangala-po, emufiki omanda. 19 Sisela emupopila ati: “Mbambavo mphevo katutu omaande ndyinwe, naliwa nohunga.” Saele apatula kokanthenda kae komahini, emwavela anwe;+ emuhiki vali. 20 Sisela emupopila okuti: “Kalela pombundi; ou uya, apulu okuti: ‘Muna omulume umwe weya muno?’ uti: ‘Au, mutupu!’”
21 Mahi Saele tembwaa Hembele aovola omphehe, nohamala. Mokonda waponwa unene, walala otyinkhankhula, emuyombela, emupapelela pohi potyihina-kutwi nomphehe, ankhi.+
22 Etyi Mbalake eya okwovola Sisela, Saele alupuka avahonyena, ati: “Endyu, ndyikulekese omulume ukahi nokwovola tatekulu.” Avaende aveho, tyina avasa Sisela wakangavala wankhia, una omphehe potyihina-kutwi.
23 Ngootyo, monthiki oyo Huku akwatesako ova Isilayeli,+ ohamba yova Kanaa, Sambii, ailiheke kuvo. 24 Okuvoko kwova Isilayeli akulemena vali Sambii ohamba yo Kanaa,+ atee vaipaa Sambii ohamba yo Kanaa.+