Ovakoyesi
5 Onthiki oyo Ndembola+ na Mbalake+ omona wa Ambinowau, avaimbi otyiimbo etyi:+
3 Tehelelei, onwe nohamba! Tyiivei, onwe vatumini!
Mandyiimbila Siovaa.
Mandyiimbi ndyihilivike* Siovaa,+ Huku yo Isilayeli.+
4 Siovaa, etyi watunda ko Seili,+
Etyi waenda motyilongo tyo Endoo,
Ohi aiteketa, ombila meulu aitoko-mo,
Omakaka aamomo omeva.
5 Onomphunda mbasenguluka* mokonda yotyipala tya Siovaa,+
Atee umwe omphunda yo Sinai, yasenguluka mokonda yotyipala tya Siovaa,+ Huku yo Isilayeli.+
6 Pononthiki mba Sangale,+ omona wa Anate,
Pononthiki mba Saele,+ omatapalo ankho eli poluhandya;
Onongendi mbakwata onondyila ononkhwavo.
7 Mo Isilayeli ankho mutupu vali onongundya;*
Mutupu vali, atee ame Ndembola+ nakatuka,
Atee ame nakatuka andyikala ina yovana mo Isilayeli.+
Ankho mutupu vali ondyakulilo nii eonga,
Pokati kovanthu 40.000 mo Isilayeli.
Hilivikei Siovaa!
10 Onwe vokweendela kovimbulu ovimbambi,
Onwe vokupumphi konombandwa mbovahona,
Noonwe vokweenda momatapalo,
Talei nawa!
11 Kweivalela ovanthu kovihimo viomaande;
Oko vapopila ovilinga viouviuki wa Siovaa,
Ovilinga viouviuki wonongundya mbo Isilayeli.
Ovanthu va Siovaa pahe veya ponombundi.
12 Pahuka, pahuka, ove Ndembola!+
Pahuka, pahuka, imba otyiimbo!+
Katuka Mbalake!+ Enda nononkhwatwa mbove, ove mona wa Ambinowau!
13 Vana vokwahupa-po vapita komalombe atyo;
Ovanthu va Siovaa, veya kwaame, opo valwise omanene atyo.
14 Ankho ovo Efalaii vekahi melola;*
Ove ankho una-vo Mbesamii, vali pokati komaswalali ove.
Ko Makili+ kwatunda ovatumini vovakwa-vita,
Ko Sembulau akutundu vana vena omphangoti yokukwata ovanthu.*
15 Ovatumini vomuhoko wa Isakale ankho vena Ndembola,
Ngeetyi tyalingile ova Isakale, na Mbalake+ otyo alingile.
Watuminwe komulola* aendela pohi.+
Vomaanda omuhoko wa Lumbe vasokele unene.
16 Oityi upumphamena pokati komitengi viove vivali,
Otyo utehelela ovanthita vahikila onongi mbavo ongayeta?+
Vomaanda omuhoko wa Lumbe vasokele unene.
17 Sileyande atwalako okukala nthele-ina o Solondau;+
Omokonda yatyi ova Ndaa vakalele pokati konombapolo?+
Ova Asele, vapumphama ponthele yelunga tyehena etyi valinga,
18 Vomuhoko wa Sembulau ovanthu vamwe vayumbahi omwenyo wavo,* vetupu owoma nononkhia;
Na Nafitalii,+ ankho utupu owoma no ponomphangu mbaya peulu.+
19 Akuya onohamba, ambulwisa ova Isilayeli;
Onohamba mbova Kanaa+ mbalwa,
Mbalwila ko Taanake popepi no ko Mesitu.+
Kavapundile opalata.+
20 Ononthungululu meulu ambulu;
Ambulwisa Sisela otyo mbuli mondyila yambo.
Hande* yange ove waliata-liata omanene-atyo.
22 Pahe omakondyo ononkhambe ateketesa ohi,
Ononthwei mbatyo ambupalakata tyanumana unene.+
23 ‘Teyelei onkhano Melosi,’ oandyu ya Siovaa yetyipopia,
‘Teyelei onkhano vana vakala-mo,
Mokonda kaveile okukwatesako Siovaa,
Kaveile novakwa-vita vavo okukwatesako Siovaa.’
24 Omukai una vali elao o Saele,+
Tembwaa Hembele,+ omu Keneu;
Omukai una vali elao tyipona ovakai aveho vakala momakaka.
25 Wemwita omaande ngwe emupe omahini.
Metemba liokulila wemupakela-mo otyikapu.*+
26 Alavelela nokuvoko akwata omphehe,
Nokuvoko kwae kwokulio akwata ohamala yovaundapi.
Wapapela Sisela, aniangula omutwe wae,
Pokweutiula auvambukila povihina-kutwi.+
27 Wawila ponomphai mbae; apa atokela ngapo akala.
Wawila ponomphai mbae, watoka;
Apa awila ngapo aipaelwa.
28 Omukai umwe, mee ya Sisela ukahi nokutalela pondyanena,
Ukahi nokutalela pomamphana elipulu okuti:
‘Oityi etemba liae liasetela?
Omokonda yatyi ononkhambe mbae mbupalakata mbasetela?’+
29 Umwe povakai omunongo vali akala navo emukumbulula;
Nae, awane monondaka mbae ati:
30 ‘Hamwe vekahi nokuliyapaulila ovipuka vapunda:
Omufikwena* — ovafikwena vevali* mefwalali like;
Ovinyanga viokwaunda-unda viokwapundwa vipewa Sisela, ovinyanga viokwaunda-unda viokwapundwa;
Otyikutu tyike tyokwatungwa, notyinyanga tyaunda-unda, novikutu vivali viokwatungwa
Vipakwa pominyino vyo vokwapunda.’