Wo Tete Wahonekelwa Ova Kolindu

5 Pokati kenyi veli nokukolela-po vimwe vili nokulingwa-po, viouhayo wokulihanda,*+ soka ouhayo* umwe novanthu vala vouye vahalingi — omulume okulala nomukai* wa tate yae.+ 2 Onwe ñgaa mulimphandela otyipuka ngootyo? Ankho ñgeno katyimulilisa+ omulume ulinga otyipuka ngootyo pokati kenyi apolwa-po?+ 3 Namphila ame oko neheko, mahi omutima wange uli oko, omulume walinga otyipuka otyo, omphela yae neikoya-le, nalinga umwe ngatyina ndyili-ale oko. 4 Tyina mwameliongiya, mweliongiyila enyina lya Tatekulu Sesusi, tyityii okuti naame omutima wange una onwe oko, tuna ononkhono mba Tatekulu yetu Sesusi, 5 omulume oo mupakulei ku Satanasi,+ ohitu opo ihanyweko, omphepo ongwa tyeheityopole, ihupe monthiki ya Tatekulu.+

6 Etyi muli nokulimphandela hatyiwa. Kamutyii okuti onkhiso ngailingi yehehi itutumukisa* umwe enthapi aliho?+ 7 Pokati kenyi polei-po onkhiso onkhulu, mwahanyone etyi mwene onwe mukahi, mulinge enthapi epe liehena onkhiso.* Mwene Kilisitu ongi yetu Yopasikwa,+ walingwa-le otyilikutila.+ 8 Naina, tulingei otyipito,+ mahi pahakala onkhiso onkhulu, onkhiso yovipengi, onkhiso yovivi, pakale ombolo yahaile onkhiso, ombolo yomutima upumphi, yotyili.

9 Momukanda nemuhonekela nati yekei-po tyokulihonyaika* novihayo kokulihanda,* 10 ava apa nati ovihayo kokulihanda,* ha vouye uno,+ ava velungavi, vokupunda vya vakwavo, vokufenda ovilolo. Ovo havo, mokonda opo ñgeno o mouye watyo umwe mutunda.+ 11 Mahi nemuhonekela mutyiyeke-po tyokulihonyaika*+ no ou utiwa tufenda nae mahi otyo oku otyihayo kokulihanda,* ena elungavi,+ afenda ovika-huku, aleva* vakwavo, anwa unene,+ apunda vya vakwavo,+ oo nokulia vala mwahaliei nae. 12 Pahe ine ovava vo kondye, ovo ndyivevela onombei vatiwe-wi? Ava onwe mukoyela onomphela ha vo mokati, 13 vo kondye mwene onomphela mbavo kambukoywa na Huku?+ “Omunthu ondingavivi pokati kenyi mupolei-po.”+