Selemiya

38 Sefatiya omona wa Mataa, na Sendaliya omona wa Pasule, na Sukali+ omona wa Silemia, na Pasule+ omona wa Malikiya, veivile onondaka Selemiya apopilile ovanthu etyi ati: 2 “Etyi otyo tyapopia Siovaa wati: ‘Ou wahatundu mepunda-umbo muno, mankhi komutunga no kondyala, no komukihi.*+ Mahi ou ukelifefa* kova Kalindeya, oo mahupu, omwenyo wae oo maukalinga epingo liae,* kamankhi.’+ 3 Etyi otyo tyapopia Siovaa wati: ‘Epunda-umbo lino malikapakulwa umwe peke liovita viohamba yo Mbambilonia, anyingila-mo.’”+

4 Ovanene vatyo avapopila ohamba avati: “Omulume ou uti-vo vala mbaa aipawe,+ mokonda omo umwe omo eli nokusoyesila* ovita nkhele viahupa-po vili mepunda-umbo muno, novanthu aveho, uli nokuvesoyesa nonondaka ombo apopia. Omulume ou hakuti ovanthu ava uvehandela-le ombembwa, una uvehandela vala ovihuna.” 5 Ohamba Sendekiya aipopi aiti: “Tala! Ou uli peke lienyi, onwe ine muna etyi mwahanda okulinga ohamba kaimutyiki-ale.”

6 Avakwata Selemiya avemuyumbu monyombo ya Malikiya omona wohamba, onyombo ikala Pepata Liovayungi.+ Avemupake-mo nomapanda. Monyombo kamwali omaande, mwali vala onthata, Selemiya otyo pahe anyingila umwe kohi monthata omo.

7 Embende-Meleke+ omu Etiopia, omunene watyo* weumbo liohamba* etyiivi okuti Selemiya vemupaka monyombo. Ohamba ankho ipumphi Pombundi ya Mbesamii,+ 8 etyi Embende-Meleke atunda meumbo liohamba* eipopila okuti: 9 “Tatekulu hamba etyi ovalume ava valinga omuuli Selemiya katyaviukile! Vemuyumba monyombo mankhila-mo nondyala, hatyingwa mepunda-umbo mutupu okulia.”+

10 Ohamba aipopila Embende-Meleke omu Etiopia aiti: “Pola muno ovalume 30, kapolei-mo omuuli Selemiya monyombo, mankhila-mo.” 11 Embende-Meleke atyindi opo ovalume, avaende no meumbo* liohamba mombwelo yotyilimba* tyolumono,+ avapolo-mo omanyanga nomakutu apwa-apwa-le avatambeka Selemiya monyombo nomapanda. 12 Embende-Meleke omu Etiopia apopila Selemiya ati: “Lipaka omanyanga nomakutu oo momakwapa, olikutu omapanda.” Selemiya ngatyo alinga, 13 monyombo Selemiya avemunane-mo nomapanda, avemupolo-mo. Selemiya apangela vala Mepata Liovayungi.+

14 Ohamba Sendekiya aitumu omuuli Selemiya akaetwe-ko, avemweeta apa ili, kombundi ya tatu yokunyingilila mondywo ya Siovaa. Ohamba aipopila Selemiya aiti: “Ndyina etyi nahanda okukupula. Wahanthyoleke natyike.” 15 Selemiya apopila Sendekiya ati: “Ine ame ndyikupopila, ove kumanthyupisa mondyipaa. Ove okukulondola kumanthehela-le.” 16 Ohamba Sendekiya aipopi na Selemiya pokamphengi ayaane, aiti: “Na Siovaa umwe una omwenyo, ou wetwaavela omwenyo,* ame himekwiipaa, nii himekupakula kovalume vokwesuka nokukupola omwenyo.”*

17 Selemiya apopila Sendekiya ati: “Etyi otyo tyapopia Siovaa Huku womambamba ovita, Huku ya Isilayeli wati: ‘Ove ine ukelifefa* kovanene vatyo vohamba yo Mbambilonia, ove moevelwa mohupu,* epunda-umbo lino kamalipakwa otupia; noove no veumbo liove mamuhupiswa.+ 18 Mahi ine kukelifefa* kovanene vatyo vohamba yo Mbambilonia, epunda-umbo lino malipakulwa kova Kalindeya, avelipake otupia,+ ove kumahupu peke liavo.’”+

Onomphai mbove vembunyingiya monthata.

Pahe vekutyindamena, vakahomboka.’

23 Ovakai vove aveho novana vove aveho veli nokutwalwa no kova Kalindeya, ove kumahupu-ale peke liavo, mokwatwa nohamba yo Mbambilonia,+ epunda-umbo eli malipakwa otupia+ kombanda yove.”

24 Sendekiya apopila Selemiya ati: “Wahapopile nawike ovipuka ovio, ine uvipopia monkhi. 25 Ine ovanene vatyo vetyiiva okuti natomphola noove, avekuti: ‘Tupopile-vo mbaa evi wapopila ohamba. Wehetuholeke natyike, onthwe kamatukwiipaa-le.+ Ohamba yekutiwi?’ 26 ove veti: ‘Ame nakaitile kohamba yahankhondole vali keumbo lya Seyonataa, kuna mankhankhila-ko.’”+

27 Etyi pakala, ovanene vatyo avaende ku Selemiya avemupulu. Ngwe evepopila umwe ovipuka aviho ohamba yemutolela. Avehemupulu vali natyike, mokonda petupu-ale ou weivile etompho liavo. 28 Selemiya akala Mepata Liovayungi+ atee onthiki o Selusalei yatoka-po; omo ali omo etyi o Selusalei yatoka-po.+