Oviimbo
Ko wokutumbula-mo. Otyiimbo. Otyiimbo.
66 Ohi aiho itwile Huku ondolo yehambu.+
2 Imbei* oviimbo vihivilika enyina liae.
Muhivilikei.+
3 Popilei Huku okuti: “Ovilinga viove vihuvisa unene!+
Onondyale mbove mambukekutila unene owoma,
Mokonda yononkhono mbove ononene.+
4 Ohi aiho maikelinyongamena kwoove.+
Mavakaimba oviimbo vikuhivilika.
Mavakaimba oviimbo vihivilika enyina liove.”+ (Selaa)
5 Endywei mutale ovilinga vya Huku.
Ovipuka alingila ovanthu vihuvisa unene.+
Ngoopo tuhambukilwa mokonda yae.+
7 Huku apeho+ utumina nononkhono mbae ononene.
Omaiho ae atala nawa ovanthu vovilongo.+
Vokwehetavela vehelipake-ko vali.+ (Selaa)
8 Hivilikei Huku yetu onwe vanthu vovilongo,+
Onondaka mbokumuhivilika mbwiivale.
10 Huku yetu,+ ove ututala nawa.
Ove utukangula ngeetyi tyikangulwa opalata.
11 Ove wetunyingiya mowanda wokuyeva.
Ove wetutwika* omutyindo umwe walema unene.
12 Ove wayeka omunthu aendele kombanda yetu.*
Twakwata motupia no momeva,
Otweeta mohika imwe yapola nawa.
13 Mandyinyingila mondywo yove noviawa viokuyokwa,+
Andyifwisapo etyi nalaele okukulingila,+
14 Etyi omilungu viange vialaele,+
Etyi omulungu wange wapopile pweetyi ankho ndyili mononkhumbi.
15 Mandyikulingila oviawa viokuyokwa novinyama vianina,
Nomwihi wovilikutila vionongi ononthwei.
Mandyiave onongombe ononthwei novikombo ovitwei. (Selaa)
17 Neliyava kwe nomulungu wange,
Andyimuhivilika nelaka liange.
18 Ine naholekele tyimwe tyapenga momutima wange,
Ñgeno Siovaa kanthehelelele.+
20 Huku wokwahaanyene elikwambelo liange, ahilivikwe,
Wokwahanuminine olwembia lwae olunene.