Onombalulo
23 Mbalaau apopila Mbalake, ati: “Pano tunga-po omitala epandu-vali,+ ondyipaela onondume-tane epandu-vali, nonongi ononthwei epandu-vali.” 2 Mbalake tyiivee, alingi etyi Mbalaau emupopila. Ovo Mbalake na Mbalaau avalingi ovilikutila, atyiti komutala oku vayokela-ko onthane ike nongi ike, komutala oku vayokela-ko onthane ike nongi ike.+ 3 Pahe Mbalaau atolela Mbalake, ati: “Ove kalela apa potyilikutila tyove tyokuyokwa, ame nkhele mandyeende no oku, hamwe Siovaa ukapopia naame. Ame mandyiya okukutolela atyiho mamphopila.” Aende no kotyipunda tyimwe tyehena omiti.
4 Huku apopi na Mbalaau, ou Mbalaau+ apopila Huku okuti: “Natunga-le omitala epandu-vali, andyilingi ovilikutila. Tyati oku nayokela-ko ondume-tane ike nongi ike, oku nayokela-ko ondume-tane ike nongi ike.” 5 Siovaa apake ondaka yae momulungu wa Mbalaau,+ ati: “Kondoka ku Mbalake. Otyo, otyo ukemupopila.” 6 Akondoka, tyina avasa, ou Mbalake novakulu aveho vo mo Moambe, vetai potyilikutila tyae tyokuyokwa. 7 Evepopila omuhe ou, ati:+
“Mbalake ohamba yo Moambe, wamphola ko Alaa, andyeta kuno,+
Wamphola konomphunda mbo koutundilo, ati:
‘Endyu kuno, untheyele onkhano Sakoo.
Endyu uhingane Isilayeli.’+
8 Ñgeni ame mandyiteyela onkhano ava Huku ahateyelele onkhano?
Ñgeni ame mandyihingana ava Siovaa ahahinganene?+
9 Kuno ndyili kombanda yononkhanda, ndyiveete,
Ndyiveetele kuno, keulu liovipunda.
10 Olie mavalula oñgima ike-ike yombundu yeheke lya Sakoo?+
Olie mavalula atee umwe vala otyinkhunkha tya kwana tyova Isilayeli?
Ndyinkhie* lwovaviuki,
Ndyivitukile oku navo vavitaukila.”
11 Pahe Mbalake atolela Mbalaau, ati: “Oityi wandingila ñgaa? Ame nekweeta kuno uteyele onkhano onondyale mbange, mahi ove wembupa elao.”+ 12 Ngwe emukumbulula okuti: “Ame hipopi vala ondaka Siovaa amphaka momulungu wange?”+
13 Mbalake emutolela, ati: “Twende atuho mbaa, twende na apa movemonena. Mahi kumevemono aveho, momono-ko vala vamwe. Tyina twamehiki-po, ventheyele-vo onkhano.”+ 14 Mbalake emupolo opo, emutwala pohika yo Sofii, pokatanga-tanga ko Pisinga.+ Atungu-po omitala epandu-vali, ayokela-ko ovilikutila. Atyiti oku ondume-tane ike nongi, oku ondume-tane ike nongi.+ 15 Pahe Mbalaau atolela Mbalake okuti: “Ove kalela apa ponthele potyilikutila tyove tyokuyokwa. Ame nkhele mandyeende no opo, ndyikapopie Nae.” 16 Siovaa apopi na Mbalaau, emupake ondaka momulunga wae, ati:+ “Kondoka ku Mbalake, otyo ukemupopila ngootyo.” 17 Pahe akondoka kwe. Tyina emuvasa, uli potyilikutila tyae tyokuyokwa, ukevela novakulu vo Moambe ena-vo. Mbalake emupulu okuti: “Siovaa wekutiwi?” 18 Ngwe apopi omuhe ou, ati:+
“Katuka Mbalake, tehelela.
Nthehelele mona wa Sipole.
19 Huku kekahi vala ngovanthu vakemba,+
Nii kekahi ngovanthu vati hono vasoka etyi, hono vasoka etyi.*+
Tyina amapopi otyipuka, okuti ketyilingi?
Etyi amapopi, okuti ketyifwisapo?+
20 Tala! Tyandyeta kuno, okupa ovanthu elao,
21 Kayeke Sakoo ayumbwe ovihemba,
Nii kayeke Isilayeli amone ovihuna.
Siovaa Huku yae, una-vo,+
Oe ohamba yavo vankhimaneka.
22 Huku wevepola ko Isitu.+
Wakala onombinga mbavo, onombinga ngo mbongombe onthwei yo mohika.+
Pahe tyina tupopia Sakoo, na tyina tupopia Isilayeli, tuti:
‘Talei etyi Huku alinga!’
24 Ava ovanthu mavakatuka ngonkhulika,
Mavalingi lwonkheyama, mavakatuka.+
Mavalingi ngonkhulika yahalangalapo tyahalile etyi yakwata,
Yahalangalapo tyahatyapele ohonde ye etyi yaipaa.”
25 Pahe Mbalake atolela Mbalaau ati: “Ine naina kuveteyela onkhano, opo nelao wehevepe-lio.” 26 Mbalaau akumbulula Mbalake, ati: “Ame hekutile: ‘Tyamapopi Siovaa otyo mandyilingi’?”+
27 Mbalake atolela Mbalaau, ati: “Endyu mbaa, ndyikutwale vali no popakwavo. Hamwe pahe otyo tyiviuka ku Huku yotyotyili, tyina twamehiki-po, oventheyela-vo onkhano.”+ 28 Mbalake atyindi opo Mbalaau, emutwala pokatanga-tanga ko Peole, petavela okutala o Sesimoo.*+ 29 Mbalaau apopila Mbalake, ati: “Pano tunga-po omitala epandu-vali, ondyipaela onondume-tane epandu-vali, nonongi ononthwei epandu-vali.”+ 30 Ou Mbalake, alingi umwe atyiho Mbalaau apopia, atyiti komutala oku wayokela-ko ondume-tane ike nongi onthwei, oku wayokela-ko ondume-tane ike nongi onthwei.