Omukanda wo Tete Ehipululo

20 Konthyimbi yenima,* pononthiki onohamba mbwenda movilwa, Sowambe+ aende nomafwalali amwe, akalwisa otyilongo tyova Amoo, etyihanye-po. Aende, aelisete no Lambaa,+ mahi Ndaviti wesalele mo Selusalei.+ Sowambe alwisa o Lambaa, eihanye-po.+ 2 Ndaviti apolo otyuuya komutwe wa Malikaa, otyuuya tyilema otalendu* ike yoolu, kwatungilwa omamanya omawa, avetyivaleka Ndaviti komutwe. Ndaviti tupu apundu ovipuka ovinyingi mepunda-umbo omo.+ 3 Ovanthu vali-mo evetyindi-mo, ekevepaka kovilinga+ viokuhonga omamanya, nokuundapa noviti viokwatwa, nononkhava. Ongootyo Ndaviti alingile omapunda-umbo aeho ova Amoo. Konyima, Ndaviti nomafwalali aeho, avakondoka ko Selusalei.

4 Etyi pakala, avakalwisa vali ova Filisitiya ko Sesele. Pononthiki opo, Simbekai+ omona wa Husaa, aipaa Sipai wokwatuka mova Lefaii,+ ova Filisitiya avatiliswa.

5 Apakala vali ovilwa nova Filisitiya, Elanaa omona wa Saili, aipaa Lami velikwai na Ngoliya+ watuka mu Ngate, wali neonga limwe lilinga ngomuti wo vokutunga.*+

6 Apakala vali ovilwa ko Ngate.+ Omo mwali omulume umwe omunene-nene,+ una ominwe 6 komavoko, nominwe 6 konomphai. Ominwe viae aviho vina 24. Nae watukile mova Lefaii.+ 7 Ahimbika okukwela+ ova Isilayeli. Otyo Sonataa, omona wa Simeya+ velikwai na Ndaviti, emwipaelele.

8 Aveho ovo ovomuhoko wa Lefaii+ vo ko Ngate.+ Vaipaelwe na Ndaviti nomafwalali ae.