Oviimbo
Ko wokutumbula-mo. Otyiimbo tya Ndaviti.
20 Siovaa ekukumbulule monthiki yononkhumbi.
Enyina lya Huku ya Sakoo likuyakulile.+
3 Ahinangele oviawa viove aviho.
Apande* ovilikutila viove viokuyokwa. (Selaa)
4 Ekwaavele etyi omutima+ wove wahanda,
Ekukwateseko movipuka aviho wapanga.
5 Matukwiilila nehambu mokonda yovilinga viove viokuyovola.+
Matuyele omanyingilikilo etu opo tunkhimaneke enyina lya Huku yetu.+
Siovaa ekwavele atyiho waita.
6 Pahe ndyityii okuti Siovaa uyovola omulembulwa wae.+
Umukumbululila komphangu yae ikola keulu,
Emuyovola nokuvoko kwae kwokulio kwapama.+
7 Vamwe vayumba onthumbi momatemba ovilwa, ovakwavo o mononkhambe,+
Mahi onthwe tuyumba onthumbi menyina lya Siovaa, Huku yetu.+
8 Ngwe velipunduka avatoko,
Mahi onthwe twakatuka atukala tyitai.+
9 Siovaa, yovola-vo ohamba!+
Ngwe meketukumbulula monthiki tumwihana etukwateseko.+