Oviimbo
71 Siovaa ame natilila mwoove,
Wahayeke ndyikunde.+
2 Ndyovole-vo, nthyukulule-vo mokonda ove umuviuki.
Yendelekela-vo okutwi kwove kwaame* ondyovola.+
3 Linga-vo onkhanda yange yokwapama,
Omu ame ndyipondola okutilila apeho.
Tuma-vo omunthu undyovola,
Mokonda ove unkhanda yange, ove tyimphaka tyange ndyiholama.+
4 Huku yange, ndyovole-vo peke lionondingavivi,+
Peke lyo wokuna onya.
5 Mokonda ame ndyikevelela vala kwoove Tatekulu Hamba Onene Siovaa.
Tundee poututu ame ndyiyumba vala onthumbi mwoove.+
6 Tundee etyi natyitwa ame ndyitei vala kwoove.
Ove wamphola meimo lya mee.+
Ame ndyikuhivilika apeho.
7 Ovanthu ovanyingi vahuva unene tyina vanthala,
Mahi ove, ove tyiholamo tyange tyapama.
8 Momulungu wange mweyula omunkhima wove,+
Onthiki aiho ame ndyihipulula omunkhima wove.
10 Onondyale mbange mbumphopia omapita,
Vokuhanda okumphola omwenyo wange,* velipakaila-mo okundinga omapita,+
11 Vati: “Huku wemuyeka-po.
Muhupulei amumukwata petupu ou memuyovola.”+
12 Huku yange, wahakale kokule naame.
Huku yange, kanyauka endyu-vo unkhwateseko.+
Vokunthyandela ononkhumbi,
Vakunde avaunduka.+
14 Mahi ame mandyitwalako okukevelela.
Pahe mandyikuhivilika vali unene.
15 Omulungu wange maukahipulula ouviuki wove,+
Onthiki aiho maukahipulula ovilinga viove viokuyovola,
16 Mandyiende andyikahipulula ovilinga viove ovinene,
Tatekulu Hamba Onene Siovaa.
Mandyikahipulula ouviuki wove, ouviuki wove vala.
18 Nga ndyikulupa, onohuki ambulingi onongonga, Huku yange, wahandyeke.+
19 Huku yange, okuviukisa kwove kuhika keulu.+
Ove walinga ovipuka ovinene.
Huku yange, olie weelekwa noove?+
21 Ndyawise vali mounene wange,
Liseta-vo naame, mphameke.
22 Ame mandyikuhilivika novihumba,
Ove ukakatela kotyili tyove, Huku yange.+
Mandyiimbi nkhuhilivike* notyisandyi,
Ove Mukwa-ukola wa Isilayeli.