Selemiya

25 Ondaka aiya ku Selemiya, ayeendela ovanthu aveho vo mo Sundaa menima lya kwana Seoyakii+ omona wa Sosiya ohamba yo Sundaa eli nokutumina, enima lyo tete Nambukondonosole* ohamba yo Mbambilonia atumina. 2 Omuuli Selemiya wapopia* ovanthu vo Sundaa, novanthu aveho vakala mo Selusalei ati:

3 “Okutuka menima 13 Sosiya,+ omona wa Amoo ohamba yo Sundaa atumina, atee hono, momanima 23, ame ndyikalela vala okutambula ondaka ya Siovaa, ndyiti umwe andyipopi, andyipaleka,* mahi onwe kamutyiivi-ale.+ 4 Siovaa watumaine ovaundapi vae aveho, ovauli, wapalaikile okuvetuma,* mahi onwe amwahatehelela, amwahayendeleka okutwi.+ 5 Ngwe vati: ‘Kondokei, mbambavo, tundei monondyila mbenyi onombi, movivi mulinga;+ onwe mamukalako ehimbwe motyilongo Siovaa emupa-le kohale, etyi apa onwe nonombwale mbenyi. 6 Mwahalandulei ovika-huku, mweheviundapelei, amulipetamena kuvio, otyo munumanesa novilinga viomavoko enyi; okwehetyilingi otyo mandyimweetela ovihuna.’

7 “‘Mahi onwe kamunthavela,’ o Siovaa wetyipopia. ‘Pahe mwanumanesa umwe novilinga vyo pomavoko enyi, mwene mwelietela ovihuna.’+

8 “Etyi otyo tyapopia Siovaa womambamba ovita wati: ‘“Mokonda onwe kamwetavelele onondaka mbange, 9 ame oo ndyikonga onombunga ambuho mbo kombanda,”+ o Siovaa wetyipopia, “ndyikonga omuundapi wange Nambukondonosole* ohamba yo Mbambilonia,+ eye alwise otyilongo etyi+ novanthu vatyo vakala-mo, novanthu vovilongo ovikwavo vakala popepi.+ Mandyivepakula kehanyauno, mandyivelingi etyi tyitilisa owoma, mavakahikilwa omwelwa,* avakalinga-linga umwe omphile. 10 Mandyikatalameka ondolo, mandyimaneko okukwiilila,+ mandyitalameka ondaka yomulume unepa, no yomukai unepwa,+ nonkhunkho iywela, notyimimi tyokandiyelo. 11 Otyilongo etyi atyiho mandyiketyihanya-ko, andyiketyilinga etyi tyitilisa owoma, ovanthu vovilongo mavakalingila ohamba yo Mbambilonia momanima 70.”’+

12 “‘Mahi tyina omanima 70 amapu,+ mandyikakoya omphela* yohamba yo Mbambilonia novanthu votyilongo otyo, mokonda yovivi valinga,’+ o Siovaa wetyipopia, ‘otyilongo tyova Kalindeya mandyiketyityitula oluhandya ngatyo umwe tyikala-kala atee-tee.+ 13 Mandyifwisapo onondaka ambuho napopile otyilongo etyi, onondaka ambuho Selemiya aulile mbupopia ovanthu aveho vovilongo mbahonekwa momukanda ou. 14 Mokonda matyiti novanthu ovanyingi vovilongo nonohamba ononene,+ mambukevepaka moupika,+ ame mandyikevefeta ondyambi yeetyi valinga, tyata movilinga viomavoko avo.’”+

15 Ngwe Siovaa Huku yo Isilayeli wamphopila wati: “Nthambule olufo olu lwovinyu yonyengo yange, nwisa-ko ovanthu vovilongo aviho oku mandyikutumu. 16 Mavakanwa, avakatanthauka, avalingi ovipuka ngoou wahaluka mokonda yomutunga ndyili nokuvetuma.”+

17 Andyitambula olufo peke lya Siovaa, andyinwisa-ko ovanthu aveho vovilongo Siovaa anthumine:+ 18 okuhimbikila ko Selusalei, no komapunda-umbo o Sundaa,+ no konohamba mbatyo, novakwatesiko vavo, opo vatyituke omphile, etyi tyitilisa owoma, avahikilwa omwelwa,* ovanthu avekevetumbula ponkhano vatela ovanthu,+ ngeetyi tyikahi hono; 19 na Falaoo ohamba yo Isitu, novaundapi vae, novakwatesiko vae, novanthu vae aveho,+ 20 novanthu aveho ovakwavo veli pokati kavo; nonohamba ambuho mbotyilongo tyo Usi; nonohamba ambuho mbotyilongo tyova Filisitiya:+ ko Asikeloo,+ no ko Ngasa, no ko Ekoloo, no vokwahupa ko Asindonde; 21 no ko Endoo,+ no ko Moambe,+ nova Amoo;+ 22 nonohamba ambuho mbo ko Tilu, nonohamba mbo ko Sindone,+ nonohamba mbotyilongo tyo pokati kelunga; 23 no ko Ndendaa,+ no ko Tema, no ko Mbusi, novanthu aveho vokwakululwa onohuki pomakutwi;+ 24 nonohamba ambuho mbova Alambia,+ nonohamba ambuho mbovanthu ovakwavo vakala moluhandya; 25 nonohamba ambuho mbo ko Silii, nonohamba ambuho mbo ko Elau,+ nonohamba ambuho mbova Mendia;+ 26 nonohamba ambuho mbo kombanda yotyilongo, mbo popepi no mbo kokule, akuya ei, akuya ei, nonohamba ambuho ononkhwavo mbukala kombanda yeheke; ohamba yo ko Sesake*+ oyo maihulilila-ko okunwa.

27 “Vepopila uti: ‘Siovaa womambamba ovita, Huku yova Isilayeli wati: “Nwei, amukolwa,* amuhandye, amutoko amwahakatuka vali,+ mokonda yomutunga mandyimutumu.”’ 28 Ine vekwaanya avahatambula olufo peke liove vanwe, vepopila uti: ‘Siovaa womambamba ovita wati: “Onwe muna yokunwa! 29 Tala! Pahe ine ovihuna mandyieta mavimbikila umwe mepunda-umbo lienyina liange,+ okuti onwe onwe mamuhupu?”’+

“‘Onwe kamamuhupu, ndyili nokukongela omutunga ovanthu aveho vakala motyilongo omu,’ o Siovaa womambamba ovita wetyipopia.

Makakomena omphangu yae nondaka yakaluluka.

Mwene oe makaongela omphela ovanthu aveho.*+

Onondingavivi mekembupakula komutunga,’ o Siovaa wetyipopia.

32 Etyi otyo tyapopia Siovaa womambamba ovita, wati:

33 “‘Vana mavaipawa na Siovaa monthiki oyo, mavekelityandyana okuhimbikila nthele imwe yohi atee onthele onkhwavo. Kavakalilwa, kamavakaongololwa, nii kamavakapakwa. Mavakalinga ngombumbi meheke.’

34 Vanthita, lilei, liyavei!