Susuwee
17 Pahe akulandula vomuhoko wa Manasesi,+ otyiveli+ tya Susee, ngavo vapewa onofika.+ Ou Makili+ otyiveli tya Manasesi he ya Sileyande wali omulume wovilwa, apewa ofika yo Sileyande no Mbasaa.+ 2 Ovana ovakwavo va Manasesi, avalandula-ko vapewe mbavo okuti: Ovana va Ambiyeseli,+ ovana va Heleke, ovana va Asiliyeli, ovana va Sikei, ovana va Hefele, ovana va Seminda. Ovo, ankho ovokwatuka mu Manasesi, Manasesi omona wa Susee, ovalume vatyo vala.+ 3 Mahi Selofeyande+ omona wa Hefele, Hefele omona wa Sileyande, Sileyande omona wa Makili, Makili omona wa Manasesi, katyitile ovana ovakwendye, watyitile vala ovana ovakainthu. Omanyina avo oyaa: O Maala, o Nowa, o Hongala, o Milika na Tilisa. 4 Ovana ovo avakapopia nomunakwa Eliyasale,+ na Susuwee omona wa Nuu, nonohongoi mbatyo, avati: “O Siovaa watumine Mwisesi tupevelwe kumwe na vakwetu tulilandula navo ofika.”+ Siovaa watumine vapelwe kumwe no vohe ofika.+
5 Pokwatalesa, Manasesi apewa vali onofika 10 mbuyawisa ku ombu apewa-le, ofika yo Sileyande, nofika yo Mbasaa, mbukala himba lina* o Solondau,+ 6 ovana ovo va Manasesi ovakai vatetelelwe ofika ike novalume vomomuhoko wa Manasesi. Otyilongo tyo Sileyande tyakalele tyovanthu ovakwavo vatukile mu Manasesi.
7 Ofika ya Manasesi ihimbikila ko Asele ayeende atee kepunda-umbo lyo Mikimetate+ yelihula no Sikei,+ aikaviuka kombwelo,* motyilongo tyo vokukala mo Ene-Tapwa. 8 Otyilongo tyo Tapwa,+ tyakalele tya Manasesi, mahi epunda-umbo lyo Tapwa, lili omu mwaoyela ofika ya Manasesi, epunda-umbo liovana va Efalaii. 9 Onondimbu mbeheke olio ankho mbwenda, Elola lyo Kana ambulikwata kombwelo. Pomapunda-umbo a Manasesi+ ankho pena Efalaii. Onondimbu mbofika ya Manasesi elola mbelikwata kombanda, ambukehikila kelunga.+ 10 Ofika yokwahula kombwelo oya Efalaii, ei yokwahula kombanda oya Manasesi, ondimbu yavo elunga.+ Ofika ya Manasesi, kombanda ihika ko Asele, okuviuka koutundilo ihika mo Isakale.
11 Mofika ya Isakale no ya Asele, Manasesi wapelwe-mo omapunda-umbo novanthu vatyo vakala-mo, nonosandyala mbatyo, okuti: Epunda-mbo lyo Mbete-Seyaa, no lyo Imbeleyau,+ no lyo Ndole,+ no lyo Ene-Ndole,+ no lyo Taanake,+ no lyo Mesitu. Ponosandyala mbatyo pena onosandyala ononthatu mbuli vala movipunda.
12 Mahi ovana va Manasesi kavetyivilile okunyingila momapunda-umbo oo, mokonda ova Kanaa vaanyenene-mo.+ 13 Etyi ova Isilayeli pahe vamona ononkhono, ava ova Kanaa avalingi ovapika vavo.+ Ova Isilayeli kavataatele-mo* ova Kanaa aveho, vamwe vevehile-mo.+
14 Ovana va Susee, avapopila Susuwee, avati: “Pokututetaila* ofika, oityi ove wetwaavelela vala ofika ike,+ otyilongo tyike? Onthwe tuvanyingi unene, na hono+ Siovaa uli nokutukwatesako.” 15 Susuwee eveti: “Ine muvanyingi, endei motyiteta ngamo mukakokola, motyilongo tyo va Peliseu+ no tyo va Lefaii,+ mokonda ofika yonomphunda yo Efalaii+ yahita unene, kamufu-mo.” 16 Ovana va Susee avati: “Mofika yonomphunda katufu-mo, ova Kanaa aveho vakala kelola,* no vokukala mepunda-umbo lyo Mbete-Seyaa+ no monosandyala mbatyo, no vokukala Melola* lyo Sesiliyeli,+ aveho vena omatemba ovilwa+ nonofoso mbovivela.”* 17 Ou Susuwee apopila eumbo lya Susee, ovo Efalaii na Manasesi ati: “Onwe muvanyingi unene, mwapama unene. Onwe kamamupewa vala ofika ike,+ 18 ofika yonomphunda nayo mailingi yenyi.+ Namphila nkhele otyiteta vala, ikokolei ngako kukaoyela ofika yenyi. Onwe ova Kanaa mamuvetaata-mo namphila vapama, namphila vena omatemba ovilwa no nofoso mbovivela.”*+