Okutunda
31 Siovaa apopila vali Mwisesi okuti: 2 “Tala ame naholovona* Mbesaleli+ ekukwateseko, Mbesaleli omona wa Uli, Uli omona wa Huli, womuhoko wa Sundaa.+ 3 Ame mandyimupe omphepo ya Huku maimupe ounongo, nekungunyiko, nenoñgonoko liokuundapa movilinga aviho viokupangiya, 4 no viokunthinda, no viokuundapa noolu, nopalata, notyitasu, 5 no viokuteta omamanya+ nokwetyokaika, no viokulinga ovilinga aviho nomavai.+ 6 Tupu natuma Ooliambe+ ekukwateseko, Ooliambe omona wa Aisamake, womuhoko wa Ndaa. Mandyiaavela omutima omunongo aveho vokwalongoka,* valinge ovilinga nekutuma:+ 7 ohinge yomaliongiyo+ Notyikasa Tyoumbangi+ notyipato tyatyo,+ novipuka aviho viomohinge, 8 nomesa+ novityuma viatyo, nokandiyelo konomphalavinga koolu yatyo mwene novityuma viako aviho,+ nomutala wokuyokela ombao,+ 9 nomutala wokulingila ovilikutila viokuyokwa,+ novityuma viatyo aviho, nombasiya nokamutala katyo,+ 10 nomivalo viatungwa nawa, nomivalo vikola vya Alau omunakwa, nomivalo viovana vae, vakale ovanakwa,+ 11 nomulela wokulembula nombao yokwanika nawa, maipakwa momphangu onthyukuki.+ Ovo mavalingi atyiho nekutuma.”
12 Siovaa apopila vali Mwisesi, okuti: 13 “Popila ova Isilayeli okuti: ‘Vena okutavela otyitumino tyotyasapalo,+ tyikale enyingilikilo pokati ketu noonwe, novanthu aveho mavakatuka-tuka mwoonwe, opo munoñgonoke okuti, ame, ame Siovaa ndyimusukukisa. 14 Muna okutavela otyitumino tyotyasapalo, mokonda otyasapalo onthiki ikola kwoonwe,+ una wametyianye* maipawa, una ulinga ovilinga monthiki oyo pokati kavakwavo una okwipawa-po.+ 15 Mupondola okuundapa mononthiki epandu, monthiki ya pandu-vali otyasapalo onthiki yokupululukwa-po aiho.+ Onthiki oyo onthiki ikola ku Siovaa. Una uundapa monthiki oyo una okwipawa. 16 Ova Isilayeli vena okutavela otyitumino otyo tyo tyasapalo, novanthu aveho mavatuku muvo. Vena okutavela otyitumino otyo atee-tee. 17 Olio enyingilikilo malikala pokati ketu nova Isilayeli+ apeho, mokonda omononthiki epandu Siovaa atunga eulu nohi, monthiki ya pandu-vali, aombo-po apululukwa-po.’”+
18 Etyi amana okupopia na Mwisesi komphunda Sinai, emwavela omamanya evali Oumbangi,+ omapapi, ahonekwa nomunwe wa Huku.+