Mikeya
1 Ei ondaka Siovaa apopila Mikeya*+ wo ko Molesete memonekelo lipopia o Samaliya no Selusalei, pononthiki mba Sotau,+ na Akasi,+ na Isekiya+ onohamba mbo Sundaa,+ wati:
2 “Tehelelei vanthu vovilongo aviho!
Tehelela nawa heke, atyiho tyili kombanda yove tyitehelele,
Tatekulu Ohamba Onene Siovaa alinge ombangi yeetyi mwalinga,+
Siovaa ukahi mondywo yae ikola.
3 Tala! Siovaa ukahi nokutunda komphangu yae.
Malauka eya aliatela konomphangu mbaya peulu mbohi.
4 Onomphunda mombwelo yae mambukasenguluka,+
Omilola mavikelitipauka
Ngelohi likahi konthele kotupia,
Ngomaande atunda mekomo liomphunda.
5 Atyiho otyo matyimoneka mokonda youmphuki wa Sakoo,
Mokonda yononkhali mbeumbo lyo Isilayeli.+
Oumphuki wa Sakoo oupi?
Ha Samaliya?+
Onomphangu mbaya peulu mbo Sundaa ombupi?+
Ha Selusalei?
6 Mandyikahanya o Samaliya aikakala ononthumbo mbeheke movipembe,
Maikakala omphangu yokutwika omiti vionouva;
Mandyikayumbahi* omamanya ayo melola,
Mandyikaikula-po omalisesu ayo aamoneka kombanda.
7 Ovilolo viayo aviho mavikahanyaunwa-ko,+
Oviawa viatyo aviho afetwa* mavikapakwa motupia, avipila-mo.+
Mandyikahanyauna-ko ovilolo viayo aviho.
Mokonda yelipakela ovipuka ovio nondyambi youkunga
Ovipuka ovio mavikakala vali ondyambi yomakunga.”
Okuliyava kwange makukakala ngo kwotyimbandye,
Okukema kwange makukakala ngo kwompho.
Ovihuna viayo vieliyandyana atee kombundi yovanthu vange, ko Selusalei.+
10 “Muhetyipopiei ko Ngate;
Kamupondola okulila.
Kulungutei meheke ko Mbete-Afala.*
11 Twalei-ko muhoyo nolukundo lwenyi onwe vokukala* mo Safili.
Vokukala mo Saanaa kavatundile-mo.
Makukeivala okulila ko Mbete-Eseli, ehekemukwatesako vali.
12 Vokukala* ko Malote ankho vakevelela otyiwa,
Mahi tyatunda ku Siovaa atyitumbuka kombundi yo Selusalei, otyivi.
13 Pandekei ononkhambe komakalosa, onwe vokukala* ko Lakisi.+
Mu ove omu mwatuka onkhali yomona wa Siyau,
Mokonda mwoove mwavasiwa ovituwa vioumphuki wo Isilayeli.+
14 Ove moavela Molesete-Ngate oviawa viokulilekela.
Omaumbo o Akisimbe+ ayondya onohamba mbo Isilayeli.
15 Nkhele mandyimwetela ou mafindi,*+ onwe vokukala* ko Malesa.+
Omunkhima wo Isilayeli maukehika atee ko Andulau.+
16 Kululwei onohuki ambuho amumbutomona-ko mokonda yovana venyi muhole.
Kalei nepela ngonkhombe,
Mokonda ovana venyi vatwalwa koukonde kokule noonwe.”+