Wa Vali Wahonekelwa Ova Kolindu
3 Okuti nkhele tyahanda vali tumupopile onthwe valie? Ine ñgeno tumupa vali omikanda vituhilivika, hamwe avitundu vali kwoonwe, ngeetyi vamwe valinga? 2 Omukanda wetu, onwe,+ omukanda wahonekwa komitima vietu, wiiwe, utangwa novanthu aveho. 3 Mokonda tyamoneka, onwe onwe mwalinga omukanda wa Kilisitu wahonekwa noonthwe ovaundapi,+ mahi kawahonekelwe notinda, wahonekwa nomphepo ya Huku una omwenyo, mahi ha komamanya-ko omapapi kwahonekwa,+ o kovivai viohitu, komitima.+
4 Onthwe twayumba-ko umwe onthumbi ku Huku mokonda ya Kilisitu. 5 Hakuti onthwe twata-mo kohalwetu mwene, tutie pena etyi tyatunda mwoonthwe, mahi onthwe twata-mo tupu tyatunda ku Huku,+ 6 oe wetwaavela ounongo tulinge ovaundapi vomphango omphe,+ ha vovitumino viahonekwa,+ tulinge vomphepo ikola; mokonda ovitumino viahonekwa, vitwala ovanthu kononkhia+ mahi ei omphepo ikola ipa omunthu omwenyo.+
7 Naina, ine ovitumino viipaesa omunthu, evi viahonekelwe komamanya+ vieile nomunkhima watyo oo, pahe ava ovana va Isilayeli avehetyivili okutala motyipala tya Mwisesi mokonda yotyitei tyomunkhima tyali motyipala tyae,*+ omunkhima ankho maunyimwa-ko-ale, 8 opo oityi omunkhima womphepo ikola+ wahalingila vali omunene?+ 9 Tyeetyi ine ovitumino vivela omunthu onombei+ viali nomunkhima,+ opo ovilinga vitisa omunthu ondingaviwa, ovio vina vali omunkhima!+ 10 Ngwe neetyi umwe tyali tyomunkhima, omunkhima watyo wavombela momunkhima weetyi pahe tyina vali omunkhima omunene.+ 11 Ine etyi ankho matyinyimiko-ale tyapakelwe-ko nomunkhima,+ opo etyi tyikakala-kala-ko tyina vali omunkhima omunene!+
12 Mokonda otyo tukevela otyo,+ opo tutyipopia tyehena-le otyinkhe, 13 katulingi lwa Mwisesi welipakele otyinyanga motyipala,+ opo ovana va Isilayeli vahamone omunkhima weetyi ankho matyipolwa-ko-ale. 14 Mahi vana ankho vatena omitwe.+ No hono umwe tyina omphango onkhulu itangwa, otyinyanga otyo tyikala vala ngootyo katyipolwa-ko,+ mokonda tyipolwa-ko vala na Kilisitu.+ 15 Ngwe na hono umwe, tyina vala Mwisesi atangwa,+ otyinyanga otyo tyihika komitima viavo.+ 16 Mahi tyina umwe amakondoka ku Siovaa,* otyinyanga tyipolwa-ko.+ 17 Siovaa* Omukwa-mphepo,+ apa pena omphepo ya Siovaa,* pena eyovo.+ 18 Onthwe atuho tyina twelihikulula otyinyanga motyipala, tulinga lwotyilivandyelo, omunkhima wa Siovaa* umonekela mwoonthwe, atupilululwa noonthwe ngae tufwa, otyo omunkhima nomunkhima uya, atyeendela umwe omu Siovaa* Omukwa-mphepo,*+ etyilingila.