Wa Vali Wahonekelwa Ova Tesalonika
3 Onwe pahe vanthu vetu, tulingilei omalikwambelo mwahayekei-ko,+ opo ondaka ya Siovaa* yahatalame ihahane liwa,+ inkhimanekwe, ngeetyi ili-ale nokulingwa noonwe, 2 tuyovoke kovalume ovinyama, ovakalavi,+ mokonda eyumba-nthumbi hatyipuka tyovanthu aveho.+ 3 Mahi Tatekulu uyumbwa onthumbi, memupameka, memwaamena kondingavivi. 4 Ngwe onthwe tupu, kwoonwe oko twayumba-ko onthumbi mu Tatekulu, onwe muli umwe nokweendela movitumino twemupa, kamamutundu-mo. 5 Tatekulu alulike umwe nawa omitima vienyi apeho vihumbe Huku,+ amukoleleya+ muhule ku Kilisitu.
6 Mahi pahe vanthu vetu, onthwe tuli nokumupa ovitumino menyina lya Tatekulu Sesusi Kilisitu muhondovoke ko vokweenda vala ombwandya,+ vahaendela moviso* onwe mwapola* kwoonthwe.+ 7 Onwe mutyii etyi muna okulinga muhetekele onthwe,+ mokonda etyi twali noonwe katwalingile vombwandya, 8 katwalile okulia kwa munthu otyali.*+ Mahi onthwe, mwene ankho tuundapa, tututumba umwe tyinthiki na tyitenya, opo twahape omutengi omunthu nawike.+ 9 Hakuti katwatele-mo,+ mahi ankho twahanda tuliaave umwe noonwe mutaleleko, mutuhetekele.+ 10 Otyili, etyi twali noonwe, otyitumino ankho tukalela okumupa otyetyi: “Ou wahahande okuundapa, nokulia ahalie.”+ 11 Ngwe onthwe tutyiivite vamwe veli vala nokweenda ombwandya kwoonwe oko,+ ovilinga kavalingi, velipaka vala pweevi vieheviavo.+ 12 Ovanthu vatyo ovo, onthwe tuvepa otyitumino, tuvelondola mu Tatekulu Sesusi Kilisitu, tuveti vaundape tyahatumphauluka, valie kononkhono mbavo mwene.+
13 Mahi pahe onwe, vanthu vetu, mwahayekeiko kokulinga otyiwa. 14 Mahi ou wehetavela ondaka twapopia momukanda ou, mulavesei nawa, muyekei-po+ akunde. 15 Mahi tupu mwehemutalei ngondyale yenyi, mwehemuyekei muviyulei+ mokonda o mutaveli mukwenyi.
16 Tatekulu, mwene wombembwa, emupe apeho ombembwa, emupeyo movipuka aviho.+ Tatekulu akale noonwe amuho.
17 Etyi pahe ame Paulu ndyimukukunya-po, o tyokuvoko kwange mwene,+ otyilimbo tyomikanda aviho; mwene ame ongootyo ndyihoneka.
18 Okankhenda okanene ka Tatekulu yetu Sesusi Kilisitu kakale noonwe amuho.