Wa Vali Wahonekelwa Ova Kolindu
6 Pahe mokuli nokuundapa nae,+ onthwe tumuti, mwehetavelei vala okankhenda okanene ka Huku, etyi mwekelingilwa atyimuponyo.+ 2 Mokonda mwene wati: “Momuvo watyo waviuka ame nekwiiva, monthiki yeyovo ame nekuyovola.”+ Tala! Ou pahe omuvo waviuka. Ei pahe onthiki yeyovo.
3 Onthwe tutupu natyike tyitokesisa, katuhande motyilinga tyetu mutatesilwe;+ 4 mahi movipuka aviho tulilekesa umwe nawa okuti tuvaundapi va Huku,+ mokukoleleya umwe, memone, moluhepo, movitateka,+ 5 mokuvetwa, movikaleya,+ monondyaya, mokututumba novilinga, mokulala lupahi, pamwe nokwahamono okulia;+ 6 mokusukuka, menoñgonoko, moumphwa-lundo,+ mokankhenda,+ momphepo ikola, molwembia lwehe-lwomaandambeyo,+ 7 monondaka mbotyili, mononkhono mba Huku;+ moviti viokuviukisa+ vili peke, kokulio* no kokumbili,* 8 momunkhima, no mokupenywa, mokupopiwa omapita no mokupopiwa nawa. Tutalwa ngononkhembi, mahi ngwe tu votyili, 9 ngaava veheiwe, mahi ngwe twiiwe, ngaava vankhia,* mahi tala! onthwe tuna omwenyo,+ ngovikonde,* mahi katwapakulilwe kononkhia,+ 10 ngaava veihamenwa, mahi apeho twahambukwa, ngaava vahepa, mahi twaputukisa ovanyingi, ngaava vehena-le etyi vena-tyo, mahi onthwe tuna atyiho.+
11 Onthwe twaikulila umwe onwe omilungu vietu,* onwe va Kolindu, twahandyula umwe omitima vietu. 12 Onthwe okumuhole tumuhole umwe+ katulipatela-tyo,* mahi onwe mulityinkha olwembia lwenyi katulumono. 13 Ame pahe ndyipopia umwe — ndyilinga umwe ngatyina ndyipopia novana vange — noonwe handyulei omitima vienyi.*+
14 Mwehelipakei* kokanga ike naava vehevataveli.+ Okuti tyokwaviuka tyina oupanga neetyi tyahaviukile?+ Otyimimi tyina apa tyipolela peke nenthiki?+ 15 Ngwe tupu, opi Kilisitu na Mbeliyale* vapondola okuhonyena?+ Opi omutaveli nou wehemutaveli velifwa?*+ 16 O mutyi ondywo ya Huku iliiva novilolo?+ Ngwe onthwe, onthwe ndywo ya Huku una omwenyo;+ otyo Huku atila: “Ame mandyikala puvo,+ mandyeende navo, mandyikalinga Huku yavo, ngwe mavakalinga ovanthu vange.”+ 17 “‘Naina puvo hondovokei-po, muvo tundei-mo,’ o Siovaa* wetyipopia, ‘yekei-po okuyama kovipuka viasila;’”+ “‘ame mandyimuyakula.’”+ 18 “‘Ame mankhalinga tate yenyi,+ onwe mamukalinga ovana vange, ovakwendye novakainthu,’+ o Siovaa* Omukulami wetyitola.”