Sofoniya
1 Ombu onondaka Siovaa apopila Sofoniya,* omona wa Kusi, Kusi omona wa Sendaliya, Sendaliya omona wa Amaliya, Amaliya omona wa Isekiya, pweetyi Sosiya,+ omona wa Amoo+ ali ohamba yo Sundaa:
2 Siovaa+ wati: “Mandyikahanya-ko atyiho tyili kombanda yohi.
3 Mandyikahanya-ko ovanthu novinyama.
Mandyikahanya-ko oviila viomeulu, nombisi yomelunga,+
Mandyikahanya-ko omamanya okupundukisa,*+ nonondingavivi,
Novanthu aveho vakala kombanda yohi.” O Siovaa wetyipopia.
4 “Mandyitandaveka okuvoko kwange opo ndyihanye-ko o Sundaa,
Novanthu aveho vakala mo Selusalei.
Pomphangu apa, mandyihanye-po atyiho tyelikwata kumwe na Mbaale,+
Tupu mandyinyimi-ko enyina liovanakwa vo huku yomatutu, kumwe novanakwa vatyo,+
5 No vokulipetamena kovipuka aviho vili meulu,+
Vokufenda Siovaa+ nokwaana okuti mavakala ovakwatyili kwe,
Otyo tupu vaana okuti mavakala ovakwatyili ku Malikaa.+
6 Na vana vokuyeka-po okweendela mondyila ya Siovaa,+
No vokuhaovola Siovaa nokwehesuku nae.”+
7 Muhapopiei natyike ponthele ya Tatekulu Ohamba Onene Siovaa, mokonda onthiki ya Siovaa ili popepi.+
Siovaa wafwiika otyilikutila, wasukukisa vana akonga.
8 “Monthiki yotyilikutila tya Siovaa, mandyikakoyesa ovakwatesiko vovatumini,
Ovana vohamba,+ novanthu aveho vavala ovikutu vitunda kondye yotyilongo.
9 Monthiki oyo, mandyikakoyesa ovanthu aveho vatalama pomphangu yaya peulu,*
Aveho vokuyulisa eumbo lya tatekulu yavo novivi, nounkhembi.”
10 Siovaa wati: “Monthiki oyo,
Kombundi+ Yombisi, makukeivalela ovanthu valila,
Konthele onkhwavo yepunda-umbo+ makukeivalela ovanthu veliyava,
Kovipunda akukeivalela epupa.
11 Onwe vokukala ko Maketee,* liyavei,
Mokonda ovanthu aveho ovakwa-vitanda,* vanyimwa-ko.*
Ovanthu aveho vokupeyala opalata, vahanywa-ko.
12 Pononthiki mbatyo opo, mandyikaovolola nawa mo Selusalei notyimimi,
Andyikakoyesa vokulitehela okuti vekahi nawa,* velipopila momitima viavo okuti:
‘Siovaa kamalingi-ale nii otyiwa, nii otyivi.’+
13 Omalumono avo maakapundwa, omaumbo avo maakahanyaunwa.+
Mavakatunga onondywo, mahi avahakala-mo,
Mavakatwika omapia omiti vionouva, mahi avahakanwa ovinyu yatyo.+
14 Onthiki onene ya Siovaa, ili popepi!+
Ili unene popepi, ikahi nokuhateka* unene!+
Omuuno wonthiki ya Siovaa, walula.+
Monthiki oyo, nomukwa-vita makaulula onkhwo.+
15 Onthiki oyo, onthiki yonyengo onene,+
Onthiki yononkhumbi, nowoma omunene,+
Onthiki yovipepe, nehanyu,
Onthiki yenthiki, nepuputu,+
Onthiki yomakaka, nepuputu enene,+
16 Onthiki yokuhika onkhwino nokuulula onkhwo yovita,+
Mayiendela omapunda-umbo okwapama, novimato viokwaya unene peulu.+
Omala avo maakatoka ngomatahi,+
Mokonda valinga onkhali ku Siovaa.