Omukanda wa Vali Ehipululo
33 Manasesi+ wakala ohamba etyi ena omanima 12, atumina omanima 55 mo Selusalei.+
2 Walingile ovivi komaiho a Siovaa, okuhetekela ovituwa ovivi viovanthu vovilongo Siovaa ataatele otyo ova Isilayeli vatala.+ 3 Wapindulile-po onomphangu mbukola mbaya peulu tate yae Isekiya ahanyaunine-ko,+ atungila Mbaale omitala viovilikutila, alingi ovipandyi vikola. Elipetamena kovipuka aviho vyo* meulu, evifende.+ 4 Tupu atungu omitala viovilikutila viovika-huku mondywo ya Siovaa,+ muna Siovaa apopile okuti: “Mo Selusalei mandyipake-mo enyina liange apeho.”+ 5 Atungila ovipuka aviho vyo meulu omitala viovilikutila momapata evali ondywo ya Siovaa.+ 6 Apake* ovana vae mwene motupia,+ Melola Liomona wa Hinoo.+ Tupu welipakele mowanga,+ no mokutapesa, no mokuloa, aholovona ovitapi, novanthu vokupopia novilulu.+ Walingile unene etyi tyapenga komaiho a Siovaa, opo emunumanesa.
7 Otyipandyi tyikola etyilingi otyilolo etyipake mondywo ina Huku yotyotyili+ apopilile Ndaviti nomona wae Salomau okuti: “Mondywo ei nomo Selusalei, omphangu nakoya pokati komihoko aviho vyo Isilayeli, mandyipake-mo enyina liange, ngamo likala atee-tee.+ 8 Himayeke vali onomphai mbova Isilayeli mbuhambe-hambe kokule notyilongo napa onombwale mbavo, vena vala okutavela nawa-nawa atyiho nevetuma, otyitumino atyiho, nonondunge nevepopila novitumino vionomphela.” 9 Manasesi atwalako okuyapula o Sundaa novo kukala mo Selusalei, evelingisa vali unene ovivi tyipona ovanthu vovilongo Siovaa ahanyene-ko otyo ova Isilayeli vatala.+
10 Siovaa atwalako okupopila Manasesi novanthu vae, mahi avehemutehelela.+ 11 Siovaa evekatulila ononkhalamutwe mbomafwalali ohamba yo Asilia, avakwata Manasesi nonohako,* avemukutu nomalienge evali otyitasu, avemutwala ko Mbambilonia. 12 Mononkhumbi mbae, eliheke ku* Siovaa Huku yae, eliolo unene omutima komaiho a Huku yovakwaukulu vae. 13 Manasesi atwalako okulikwambela ku Huku, Huku emwetesila-mo okankhenda, atehelela elikwambelo liae, emukondola kouhamba wae mo Selusalei.+ Manasesi anoñgonoka okuti Siovaa o Huku yotyotyili.+
14 Konyima, atungu otyimato kondye Yepunda-umbo lya Ndaviti,+ koutakelo wo Siyoo+ ili Mevota,* atyiende atee Kombundi Yombisi.+ Atwalako okutyitunga atyilisete no Ofeli.+ Ankho tyaya unene peulu. Tupu akoyo ononkhalamutwe mbomafwalali, evepake momapunda-umbo aeho apama o Sundaa. 15 Apolo otyilolo novika-huku viovilongo ovikwavo vikahi mondywo ya Siovaa,+ nomitala aviho viovilikutila atungile komphunda yondywo ya Siovaa+ mo Selusalei, atumu okukeviyumba kondye yepunda-umbo. 16 Tupu apindula-po omutala wovilikutila wa Siovaa,+ ahimbika okulingila-ko ovilikutila viombembwa,+ novilikutila viokupandula,+ apopila o Sundaa opo vaumbile Siovaa Huku yo Isilayeli. 17 Mahi, ovanthu nkhele ankho valingila ovilikutila konomphangu mbukola mbaya peulu, namphila vevilingila vala Siovaa Huku yavo.
18 Ovipuka ovikwavo viehipululo lya Manasesi, nelikwambelo alingile ku Huku yae, nonondaka Siovaa Huku yo Isilayeli atumine ovauli vemupopile, viahonekwa mehipululo lionohamba mbo Isilayeli. 19 Tupu elikwambelo liae,+ neetyi akumbululilwe etyi elivondela, nononkhali mbae ambuho, neetyi ahakalele omunthu utavela,+ na apa atungaile onomphangu mbukola mbaya peulu, novipandyi vikola,+ novilolo viahongwa alingile pweetyi eheneliole omutima, aviho ovio, viahonekwa movihonekwa viovalume vamwene omaelema. 20 Pahe, Manasesi akapululukwa-po novakwaukulu vae, avemupake meumbo liae. Omona wae Amoo emupingi kouhamba.+
21 Amoo+ wakala ohamba etyi ena omanima 22, watuminine mo Selusalei omanima evali.+ 22 Watwaileko okulinga ovivi komaiho a Siovaa, ngeetyi tyalingile tate yae Manasesi.+ Amoo walingile ovilikutila kovilolo aviho tate yae Manasesi atungile,+ atwalako okuvifenda. 23 Amoo keliolele omutima komaiho a Siovaa+ ngeetyi tate yae Manasesi eliolele omutima.+ Mahi Amoo wayawisile vali unene kononkhali mbae. 24 Konyima, ovaundapi vae avemutyitukila-po,+ avemwipaela meumbo liae. 25 Mahi, ovanthu aveho votyilongo avaipaa aveho vokwatyitukila-po ohamba Amoo,+ avapinginya omona wae Sosiya+ kovipundi.