Oviimbo
106 Nkhimanekei Sah!*
2 Olie mapopi ovilinga ovinene vya Siovaa?
Olie mapopi evi alinga aviho viomunkhima?+
3 Vahambukwa ovava valinga evi viaviuka,
Ava apeho valinga oviwa.+
4 Nthyinangele-vo Siovaa tyina wamati pokukwatesako ovanthu vove.+
Ndyikale-vo peke liove ondyovola.
5 Ndyimakele-vo kouwa-tima wove una novanthu vove wakoya,+
Opo ndyihambukilwe kumwe novanthu vove,
Ndyikuhivilikile* kumwe novanthu vove mwene, ndyikuhivilike nehambu enene.
7 Ovakulu vetu kohale mo Isitu ankho kavesukile neevi* ulinga vihuvisa.
Kavahinangelele olwembia lwove olunene lwaya kohi,
Vakala onomphwiiliki pelunga, Pelunga Likuhuka.+
9 Wakandukilile Elunga Likuhuka alikukuta,
Evekwatesa mokati kelunga mwakukuta vala nawa ngo moluhandya.+
10 Weveyovolele peke lya vana ankho veveyele,+
Eveyovola peke liondyale.+
13 Mahi kavakalele-ale ehimbwe, etyi alingile avetyilimbwa.+
Avahakevelela-vo kwe evetolele etyi vena okulinga.
17 Eheke aliyohama alinyini-po Ndataa
Alififila vana ankho veliongiya na Ambilau.+
18 Otupia atukatuka omulaku-laku pokati kavo.
Omutemo auli-po onondingavivi mbatyo.+
19 Etyi veli ko Holembe avalingi onthane,
Avahimbika okufenda otyilolo tyotyivela.*+
20 Vakumana omunkhima wange
Notyipuka tyilinga ngongombe ilia eholi.+
21 Ku Huku avalimbwa-ko,+ Komuyovoli wavo,
Walingile ovipuka ovinene mo Isitu,+
22 Ovipuka vihuvisa alingile motyilongo tyo Kaa,+
Ovipuka vitilisa owoma alingile Pelunga Likuhuka.+
23 Pahe ankho wahanda umwe okutuma vahanywe-ko,
Mahi Mwisesi omunthu wae akoya, aende kwe eveitile-ko*
Aokeya onyengo yae ihanya.+
26 Akatula okuvoko kwae aane,
Ati mevetokesila moluhandya.+
27 Ovana vavo ankho mekevetokaihila movilongo,
Ekeveyandyanesa movilongo.+
28 Navo avahimbika okufenda* Mbaale yo ko Peole,+
Nokulia kovilikutila vialingilwa ava vehena omwenyo.*
30 Mahi etyi Fineya akatuka elipake-po,
Ovihuna avitalama.+
31 Okutuka opo akatiwa-tiwa umwe ondingaviwa,
Kuti vala akuya ava vetyivasa, akuya ava vetyivasa.+
32 Etyi vati pomaande opo Melimbaa* avankhindula onyengo yae,
Mwisesi amono ononkhumbi kombanda yavo.+
33 Avemutokotesa omutwe,
Omilungu viae avisoponokwa nondaka yahasokelwe.+
37 Ankho valinga ovilikutila ovana vavo ovakwendye
Novakainthu avevepakula kovilulu.+
38 Ankho vakalela vala okumomesa ohonde+ yovanthu vehena etyi vei,
Ohonde yovana vavo mwene ovakwendye novakainthu,
Vana ankho valinga ovilikutila viovilolo vyo Kanaa.+
Otyilongo avetyisilisa ohonde.
39 Evi valinga ngavio vivesilisa.
Kavalingile etyi vatolelele Huku.+
40 Onyengo ya Siovaa ainkhindukila-po ovanthu vae,
Ayale ovanthu vae mwene.
42 Onondyale mbavo ankho mbuvelinga onya,
Ankho mbuvetumina.*
43 Ankho ukalela vala okuveyovola,+
Mahi ngwe ankho kavetavela, kaveivi,+
Ankho vakalela vala okukundiswa kombanda yovivi valinga.+
45 Ankho uhinangela omphango yae mokonda yavo,
Eveetehila-mo onkhenda, mokonda yolwembia lwae olunene.+
46 Ankho uvekwatesako
Aveho vokuvetwala koupika aveveetehila-mo onkhenda.+
47 Tuyovole-vo Siovaa Huku yetu,+
Tukongolole-vo movanthu vovilongo+
Opo tupandule enyina liove likola,
Atukuhivilika nehambu enene.+
Ovanthu aveho vatie: “Amem!”*
Hivilikei Sah!*