Omukanda wa Vali Ehipululo
16 Menima 36 Asa eli nokutumina, Mbaasa+ Ohamba yo Isilayeli eya okulwisa o Sundaa, ahimbika okutunga* o Lamaa+ opo pahamone nawike ulupuka nii ou unyingila mohika ya* Asa, Ohamba yo Sundaa.+ 2 Opo yatyo opo Asa apolo opalata noolu pomalumono ondywo ya Siovaa,+ no pomalumono eumbo liohamba,* evitumu ku Mbeni-Handande Ohamba yo Silia+ ukala ko Ndamasiku, emupopila okuti: 3 “Twalinga omphango* naame noove, na tate yange na tate yove. Nekutuma opalata noolu otyali. Yeka-po omphango walinga* na Mbaasa ohamba yo Isilayeli, opo atunde mohika yange.”
4 Mbeni-Handande etavela Kohamba Asa, atumu ovanene vovakwa-vita viae vakalwise omapunda-umbo o Isilayeli, avateye-po o Isoo,+ no Ndaa,+ no Ambele-Maii, novilimba aviho vyo Nafitalii.+ 5 Etyi Mbaasa etyiiva, ahatungu* vali o Lamaa, asi-po otyitanthi tyae. 6 Ohamba Asa aongiya o Sundaa aiho, avatyindi-po omamanya nomavai ko Lamaa,+ ana Mbaasa ali nokutunga nao.+ Asa ngao apameka* nao o Semba+ no Misipaa.+
7 Pononthiki opo, omutali Hanani+ aende ku Asa Ohamba yo Sundaa, emupopila okuti: “Mokonda ove wayumba onthumbi* mohamba yo Silia, ohayumbu onthumbi* mu Siovaa Huku yove, omaswalali ohamba yo Silia aponyoka pomavoko ove.+ 8 Omaswalali ova Etiopia, nova Limbia omanyingi-nyingi, kumwe nomatemba ovilwa, no vokweendela kononkhambe. Mahi etyi ove wayumbile onthumbi mu Siovaa, kevepakulile pomavoko ove?+ 9 Omaiho a Siovaa ekahi nokweenda-enda kombanda yohi aiho+ opo akwateseko* vana vemulingila nomutima watyo auho.*+ Mahi, otyipuka otyo ove walinga owova. Okuhimbikila hono, mokalaila vala okulwiswa.”+
10 Mahi Asa anumanena omutali, mokonda yetyi alinga emupake mokaleya.* Okuhimbikila opo, Asa ahimbika okulinga onya ovanthu vamwe motyilongo. 11 Ehipululo lya Asa okuhimbikila konthyimbi atee konthyulilo, liahonekwa Momukanda Wonohamba mbo Sundaa no mbo Isilayeli.+
12 Menima 39 lioutumini wae, Asa ahimbika okuvela onomphai avele umwe unene. Atee umwe pweetyi avela, kaovolele Siovaa, mahi waile kovahakuli. 13 Asa akapululukwa-po nonombwale mbavo;+ wanyima menima 41 lioutumini wae. 14 Avekemupaka meendo enene eliheyela Mepunda-umbo lya Ndaviti.+ Vemulangekele koula veyulisa omulela wombasamu, nonombao ononyingi mbahonya-honya mbunika nawa.+ Tupu, pokukemupaka, avemunthiakanena otupia tumwe otunene.*