Isekiyele
22 Ondaka ya Siovaa aindyendela vali aiti: 2 “Mona womulume, wafwapo upopie onondaka mbomphela yepunda-umbo* liokwavelwa onombei kombanda yokwamomesa ohonde,+ nokulipopila ovipuka vialio aviho vitoyesa?+ 3 Popia uti: ‘Etyi otyo tyapopia Tatekulu Ohamba Onene Siovaa, wati: “Ove punda-umbo liokumomesa ohonde+ mokati kalio mwene, liokuhungi kononthiki mbalio,+ liokulinga ovilolo vitoyesa* lilisilise,+ 4 wavelwa onombei kombanda yohonde wamomesa,+ kombanda yovilolo viove vitoyesa viekusilisa.+ Ove waeta liwa onthyulilo yononthiki mbove, omanima ove apwa-po. Mandyikutyitula epunda-umbo liokukalela vala okupenywa novanthu vovilongo, okwelwa novilongo aviho.+ 5 Tyilinge ovilongo viopopepi tyilinge viokokule, mavikekukwela,+ mokonda enyina liove liasila, wepwila monondyaya. 6 Tala! Onohongoi ambuho mbomo Isilayeli muna-vo, vatatehila mounene wove avamomesa ohonde.+ 7 Mwoove, ovalume novakai vena ovana vapenywa,+ onthunda-vilongo ipundwa, osona* nomuhepe valingwa onya.”’”+
8 “‘Onomphangu mbange mbukola ove wembutomba, ovityasapalo viange uvisilisa.+ 9 Mwoove muna ovatendeleyi vahula umwe vala kokumomesa ohonde.+ Mwoove, ovanthu valila ovilikutila konomphunda, valingila-mo ovipuka vikundisa.+ 10 Mwoove ovanthu valala novakai vo vohe,*+ valala novakai veli konohanyi.+ 11 Mwoove, omulume ulinga ovipuka vitoyesa nomukai wa mukwavo,+ ou omukwavo usilisa omukwekai wae* ulinga nae ovipuka vikundisa,+ nkhele umwe ulala nomphange yae kononkhono, omona wa tate yae.+ 12 Mwoove, ovanthu vafetwa opo vamomese ohonde.+ Ove ulevalesa otyitisa,+ umonene-mo,* upunda onombongo mba mukwenyi.+ Yoo, ove wandimbwa umwe kundyi vali,’ o Tatekulu Ohamba Onene Siovaa wetyipopia.
13 “‘Tala! Ame ndyipuma peke, natoya olumono lwove umonena moumphulu, nohonde imomesilwa mwoove. 14 Okuti mopameka umwe omutima,* omavoko ove maakolo umwe monthiki mandyikukatukila?+ Ame mwene Siovaa netyipopia, ame mandyityilingi. 15 Ame mandyikutyandyanesa movanthu vovilongo,+ andyikutwala-twala no movilongo, mandyikamana-ko ouhayo wove.+ 16 Ovanthu vovilongo kamavekekulinga vali onthilo, ove mokankhola umwe okuti ame, ame Siovaa.’”+
17 Ondaka ya Siovaa aindyendela vali aiti: 18 “Mona womulume, eumbo lya Isilayeli kalisilivila vali, kwaame lialinga olisu. Aveho vala otyitasu tyili mofolono, ositanyu, otyivela, osumbu. Valinga omapeta opalata.+
19 “Tatekulu Ohamba Onene Siovaa, wati: ‘Mokonda onwe pahe mwalinga ngeilo, kamusilivila,+ mandyimwongiya mo Selusalei. 20 Ngeetyi opalata, notyitasu, notyivela, nosumbu, nositanyu, vihonyekwa mofolono, avifililwa otupia visenguluke, naame mandyikemwongiya nononyengo, nokwanuma, andyimufilila ndyimusengulule.+ 21 Mandyimwongiya, andyimufilila otupia twonyengo yange,+ amukasengulukila mokati kayo.*+ 22 Ngeetyi opalata isengulukila mokati kofolono, noonwe mamukasengulukila mokati kayo.* Onwe mamukankhola umwe okuti, ame Siovaa, ame mwene nemuuyulila onyengo yange.’”
23 Ondaka ya Siovaa aindyendela vali aiti: 24 “Mona womulume, ipopila uti: ‘Ove, ove tyilongo tyahakasukauka vali, tyahamalokwa monthiki yonyengo. 25 Ovauli vamo valungulula,+ valinga ngonkhulika ikoma ihunyauna etyi yakwata.+ Veli nokuhunyauna ovanthu.* Veli nokupunda omalumono, novipuka oviwa. Mulio, ovakai ovanyingi vevetyitula ovahepe. 26 Ovanakwa vavo valiatela kovitumino viange,+ vasilisa onomphangu mbange mbukola.+ Tyikola kavetyipungu kweetyi tyahakolo,+ kavalongesa ovanthu okukonkhenya etyi tyasila neetyi tyasukuka,+ kavahande okuhinangela ovityasapalo viange, ame vanthomba. 27 Ovanene vatyo vamo, valinga ngomahunyu ahunyauna etyi akwata. Vamomesa ohonde, vaipaa ovanthu* vamonene moumphulu.+ 28 Mahi ovauli vavo valomba ompheyu kovipuka aviho valinga. Vamona ovililenya viomatutu, vatapesa nounkhembi+ avati: “Etyi otyo tyapopia Tatekulu Ohamba Onene Siovaa,” ngwe Siovaa utupu etyi apopia. 29 Ovanthu votyilongo, vayondya otyo vavaka.+ Valinga onya omapongo, novahepi, valimbilika ononthunda-vilongo, kavetavela okuvelinga etyi tyaviuka.’
30 “‘Ame naovola omulume ñgeno utyivila-vo okupindula-po otyimato tyomamanya, utalama-vo komutwe wange, apa pateka, ayovole otyilongo etyi na tyahahanywe-ko,+ mahi havahile nawike. 31 Mandyiveuyulila onyengo yange, andyivenyimi-ko notupia twonyengo yange. Ovivi vituka konondyila mbavo mandyiviuuyulila komitwe viavo,’ o Tatekulu Ohamba Onene Siovaa wetyipopia.”