Mikeya
2 “Vana vasoka okulinga otyivi, ngongo yavo,
Vana vapanga otyivi putyina vekahi koula wavo!
Tyina kwamatyi avetyilingi,
Mokonda pomavoko avo pena ononkhono mbokutyilinga.+
2 Vapeleya omapia a vakwavo, avevepolo-o.+
Tupu nomaumbo avo, vevepola-o;
Vakemba opo vapole omunthu eumbo liae,+
Vapola omunthu epingo liae.
3 Siovaa wati:
‘Ame ndyikahi nokumupongiyila otyitateka otyinene,+ kamatyimuhupisa.*+
Onwe kamamukaenda vali tyelipaka-ko,+ mokonda ononthiki ombo mambukakala ononthiki mbovitateka.+
4 Monthiki oyo, ovanthu mavakapopia omuhe konthele yove,
Avekeliyava unene mokonda yove.+
Mavakapopia okuti: “Twankhia-ankhia umwe!+
Waavela ovanthu ovakwavo onofika mbetu, onthwe wetupola-mbo!+
Watepaulila onofika mbetu ovanthu vehevakwatyili.”
5 Ove kumakakala nomunthu nawike makakwata epanda liokuheteka,
Opo utepaule onofika mewaneno lya Siovaa.
6 “Yekei-po okwivisa!” ngwe vaivisa,
“Kavapondola okwivisa ovipuka ovio;
Onthwe kamatukundu!”
7 Ove umbo lya Sakoo, etyi otyo tyikahi nokupopiwa:
“Okuti ononkhono mba Siovaa mbayeka-po okupwa-elundo?
Okuti ovio, ovio ovipuka alinga?”
Okuti onondaka mbange kambwetela ouwa vana vaendela mouviuki?
8 Mahi, ovanthu vange pahe vakatuka ngonondyale.
Tyahaholamene mupola ouwa wovikutu* viomunkhima,
Ku vana vaenda nehambu ngatyina vatundilila kovilwa tyafinda.
9 Onwe mutaata ovakai vovanthu vange momaumbo avo ekahi nawa;
Mupola ovana vavo omunkhima wange wahapu.
10 Katukei endei, mokonda ei hamphangu yokwomba.
Makukakala ehanyauno mokonda yesilo,+ ehanyauno limwe enene.+
11 Omunthu okulandula momphepo no momatutu, akembe ati:
“Mandyikupopila ovinyu novikunwa vikoleswa,”
Omunthu oo naina, omwivisi ukahi nawa kovanthu ovo!+
12 Ame mandyikemwongiya umwe amuho, Sakoo;
Mandyikaongiya umwe ava mavakahupa mo Isilayeli.+
Mandyikevewaneka ngonongi mbotyunda,
Ngotyunda tyonongi mbakalia.+
Oko, makukakala ovanthu ovanyingi vaviela.’+
13 Una utemba ombundi makakala komutwe wavo;
Mavakatemba ombundi mepito, ngapo vakwata.+
Ohamba yavo maikapita komutwe wavo;
Siovaa makakala komutwe wavo.”+