Oviimbo
95 Endywei, tutwilei Siovaa ondolo yehambu!
Tukwiilililei Onkhanda yetu yokutuyovola.+
3 Mokonda Siovaa o Huku umwe omunene,
Ohamba onene vali kono huku ambuho.+
4 Omavoyo okwaya unene kohi, eli peke liae,
Ovitanga-tanga vionomphunda oviae.+
6 Endywei tulinyongamene, tufende,
Twiikilei konongolo kotyipala tya Siovaa Omutungi wetu.+
Hono lino, tehelelei-vo etyi apopia,+
8 Mwahatenekei omitima vienyi ngeetyi tyalingile ovoho ko Melimbaa,*+
Ngomonthiki muna ko Masaa* moluhandya,+
9 Etyi ovoho vahandele okulitalela-po naame,+
Vamphatanene ngwe vamwene-mwene-ale ovipuka nalingaile.+
10 Nakalele omanima 40, ovanthu vana otyo vanthoyesa, andyiti:
“Ovanthu ava havanthu, omitima viavo vivetwala vala nohika,
Kavanoñgonokele-ale onondyila mbange.”
11 Etyi nanumana atyimphe umwe okwaana, andyiti:
“Ava kavakanyingila mokupululukwa kwange.”+