Oviimbo

28 Siovaa, ove Nkhanda yange,+ kwoove oko ndyilikwambela apeho.

Wahanthehelele momakutwi.*

Ine kunkhumbulula,

Mandyikala ngaava vekahi nokwenda meendo.+

 2 Nthehelele-vo tyina ndyilivondela kwoove unkhwateseko,

Tyina ndyiyela omavoko ange andyieyulika mondywo yo mokati yo momphangu yove ikola.+

 3 Wahankhokololele kumwe nonondingavivi vokulinga evi viahaviukile.+

Vana vapopila vakwavo onondaka mbuli nawa otyo momitima viavo muna ovivi.+

 4 Vekondolela etyi tyata mweevi valinga,+

Etyi tyata movivi valinga.

Vekondolela etyi tyata movilinga viomavoko avo,

Etyi tyata mweevi vehole okulinga.+

 5 Mokonda kavesuku novilinga vya Siovaa,+

Nii ovilinga viomavoko ae.+

 6 Siovaa ahivilikwe,

Mokonda wendyiva etyi nelivondela kwe ankhwateseko.

 7 Siovaa ononkhono mbange,+ ondyakulilo yange.+

Omutima wange uyumba onthumbi mwe.+

Wankhwatesako, omutima wange auhambukwa.

Pahe mandyimuhivilika notyiimbo tyange.

 8 Siovaa ononkhono mbovanthu vae.

Oe omphangu yapama iyovola omulembulwa wae.+