Selemiya
5 Endei-endei monondyila mbomo Selusalei.
Talei nawa, lungukei.
Taindyei ponopalasa mbenyi, amutale
Ine pena omulume ulinga evi viaviuka,+
Omulume usuka nokukakatela kotyili,
Ame epunda-umbo eli mandyilieevela.
2 Atee umwe ine vaana avati: “Na Siovaa umwe una omwenyo!”
Otyo natyo okwaana vala, mahi omatutu.+
3 Ove Siovaa, omaiho ove kaaovola vala tyokukakatela kotyili?+
Ove wevevanga, mahi kavetyiivite-ale.*
Wevehanya-ko, mahi kavetavelele okulongwa.+
4 Mahi ame andyilipopila andyiti: “Ovanthu ava kavasilivila umwe.
Valinga umwe viouhima mokonda kavei ondyila ya Siovaa,
Omphela ya Huku yavo.
5 Mandyitaindya ovalume omalombe atyo, andyipopi navo,
Ovo tyipondola ondyila ya Siovaa veii,
Nomphela ikwata peke lya Huku yavo veii.+
Mahi aveho ovo vateya okanga
Avatipaula omapanda.”*
6 Otyo onkhulika yo motyiteta ivelila,
Otyo ehunyu lyo momapembe omonthanthalahi lievehanyaunina-ko,
Onkhapi ivekevelela ponthele pomapunda-umbo avo.
Aveho valupuka-mo ivelia-po.
7 Oñgeni ndyipondola okukweevela etyi walinga?
Ovana vove vapita vanthyapo,
Avaane avatukaila etyi tyehe Huku.+
Ngwe nevepele umwe etyi vesuka natyo avatuuka,
Vapangela vala okwovola onombalehi,
Velikongolola umwe otyiumbe-umbe tyavo vaya mondywo yekunga.
8 Valinga ngononkhambe mbatokotelwa, mbahanda okunamata;
Tyiti ou ukomena omukai wa mukwavo, ou ukomena omukai wa mukwavo.+
9 “Hihiwa okuveongela omphela kombanda yovipuka ovio?” o Siovaa wetyipopia.
“Hipondola* okunumanena ovanthu ngo ovo?”+
10 “Endywei komapia ae omiti vionouva, vihanyaunei,
Mahi mwehevihanyaunei aviho.+
Vityokei onompha mbatyo mbokwayova,
Mokonda ha mba Siovaa-ko.
11 Mokonda, veumbo lya Isilayeli no veumbo lya Sundaa
Valungukila ovivi vanthyindamena,” o Siovaa wetyipopia.+
Petupu-ale ovihuna mavitweendela;
Kamatukatukilwa-le nomutunga, nii kamatumono ondyala.’+
13 Ovauli muvo mweyula vala omphepo,
Nondaka* muvo kaimo.
Navo otyo valingwe ngootyo!”
14 Mahi wetyipopia Siovaa, Huku yovita, wati:
“Mokonda ovalume ovo otyo veli nokupopia otyo,
Onondaka mbange mandyimbulingi otupia momulungu wove.+
Ovanthu ovo mavakalinga ngononkhwii,*
Otupia matukevelia umwe.”+
15 “Ame uno ndyiya nokumweetela otyilongo tyo kokule, umbo lya Isilayeli,”+ o Siovaa wetyipopia.
“Otyilongo tyimwe tyo kolukulu-ale,
16 Otyilalo tyavo tyonohevo tyayuhama uti eendo;
Aveho ovakwa-vita.
17 Mavakalia-po ovikuna ove wateya, nombolo yove.+
Mavakalia-po ovana vove ovakwendye novakainthu.
Mavakalia-po onongombe mbove, nonongi mbove.
Mavakalia komiti viove vionouva no komikuyu viove.
Mavakahanyauna-ko omapunda-umbo ove okwapama nomutunga, aa ove wayumba onthumbi.”
18 “Mahi, no pononthiki opo,” o Siovaa wetyipopia “himemunyimi-ko amuho.+ 19 Tyina vamapulu ‘Oityi Siovaa Huku yetu etulingila ovipuka evi aviho?’ ove vekumbulula uti: ‘Mokonda onwe mwandyeka-po, amukalingila ovika-huku viononthunda-vilongo mbo motyilongo tyenyi mwene, noonwe mamukalingila ononthunda-vilongo motyilongo tyehe-tyenyi.’”+
20 Popilei ñgaa veumbo lya Sakoo,
Tyipopiei mo Sundaa muti:
21 “Tehelelei kuno onwe vahima onwe, vityova onwe,*+
22 ‘Onwe kamunthili owoma?’ O Siovaa wetyipopia.
‘Onwe kamuteketa-le kotyipala tyange?
Ame, ame nalinga oluheke lulinge omwooyo welunga,
Napaka otyitumino tyahapu elunga liahalambe.
23 Mahi ovanthu ava kavatamphuka, omutima o woumphuki;
Vaya nohika, vaya nondyila yavo mwene.+
24 Kavelisoko-vo momutima wavo avati:
“Tutilei Siovaa Huku yetu,
Ou ulokesa ombila momuvo watyo,
Nonkhalula,* nondyondoloka,
Ou utupakela onosimanu mbanakwa mbokuteya.”+
25 Ovivi vienyi mwene ovio viemupumbiswa ovipuka ovio,
Ononkhali mbenyi mwene ombo mbemutyopola koviwa.+
26 Povanthu vange pena ovalume ovakalavi.
Vavendamaina uti omukongo wayolamena oviila.
Vatela nomaliva aipaa;
Momaliva avo munkhia ovanthu.
Omo vapola ononkhono, nouhona.
28 Vena otyilenga, vasukuka;
Ovivi viavo vihamphiauka.
Omphela yaviuka yonthyiwe kaveipopi,+
Evi vahanda viveende nawa;
Kavetavela okuviukisa omphela yomuhepi.’”+
29 “Hihiwa umwe okuveongela omphela ovipuka ovio valinga?” o Siovaa wetyipopia.
“Hipondola* okunumanena ovanthu ngo ovo?
30 Otyipuka tyimwe tyitumphulukisa, tyapenga tyili nokulingwa motyilongo:
31 Ovauli evi vaula omatutu,+
Ovanakwa vakolonyeka ovanthu mokonda ovo vatumina,
Ava ovanthu vange otyo vetyihole.+
Mahi mamulingi ñgeni apa onthyulilo iyapo?”