Wahonekelwa Ova Ngalasiya
4 Ame pahe ndyimuti vala omphinga ine nkhele omona omututu, ufwa vala omupika, ngalingi vala hekulu yovipuka aviho, 2 mokonda ukala vala kolutei lwovaundapi, novalingilili, akevela onthiki he emunakela. 3 Noonthwe ongootyo, etyi ankho tuvana, ankho twali moupika wovipuka ouye uhapelela.+ 4 Mahi etyi omuvo wati-po, Huku atumu Omona wae, omona wakutulwa nomukai,+ ankho uli mo tyovitumino,+ 5 alande-po ava ankho veli mo tyovitumino eveyovole,+ opo vaalulwe valinge ovana.+
6 Pahe mokonda onwe muvana-le, Huku watuma omphepo ikola+ ili momona wae momitima vietu,+ omphepo iti: “Abba,* Tate!”+ 7 Ove naina kumupika, umona wae; mokonda umona wae, Huku wekulinga omphinga.+
8 Mahi ngwe tyili, etyi ankho mwehei Huku, mwali ovapika vovipuka ankho vieheno-huku. 9 Mahi onwe pahe soka Huku mumwii, ine tutie, pahe Huku onwe umwii, onwe nkhele mukondoka vali kovipuka evi vala viomuhapo, viahakolele, viayengenga,+ ovio mwahanda vali vimukondole moupika?+ 10 Onwe mwapaka-ko vala tyononthiki, tyonohanyi,+ tyomivo, tyomanima. 11 Ame onwe mundingisa otyiho, ndyipondola okwaundapa mwoonwe nalinga vala ononkhono-pwila.
12 Vanthu vange, ndyilivondela kwoonwe, ndyimwiita-vo mulinge ngaame, mokonda naame nalinga-lingale ngoonwe.+ Onwe mutupu etyi mwandinga tyapenga. 13 Mahi onwe mutyii okuti monthiki yotete nekemupopila tupu oviwa ovipe, ouvela wange wamphele omphitilo. 14 Namphila omu ankho nakalela kolupe, onwe tyemulingisisa, mahi kamwanthimine, kamwanthoyele;* mwandyakula umwe lwoandyu ya Huku, mwandyakula lwa Kilisitu Sesusi. 15 Kohale ankho muhambukwa umwe, ya pahe oityi? Ame ndyityii umwe nawa, onwe ine tyetavelele ñgeno onwe mwelipola omaiho enyi, amweemphe.+ 16 Okuti pahe mandyilingi ondyale yenyi tyokwapopia vala otyili? 17 Ovo vahanda umwe vala vemutyinde-po, mahi hakuti vemuhandela otyiwa; vahanda okumuhondovola kwaame, opo onwe musuke nokuvelandula. 18 Ngwe mwene tyaviuka, okumwoovola tyokumuhandela otyiwa, mahi atyahalingwa vala tyina ame ndyina onwe, 19 vana vange,+ onwe ndyiivitile vali onongembia mbokukutula ombu mbundyihama atee Kilisitu akala* mwoonwe. 20 Ame nahandele ñgeno ñgaa tuna onwe pehepano, ndyimutolele vali tyityatyo, mokonda pahe nahimapala tyina ndyimusoka.
21 Mphopilei, onwe vokwahanda Tyovitumino, opo Ovitumino kamuvitehela? 22 Soka tyahonekwa umwe tyatiwa Ambalayau wali novana vevali, atyiti ou watunda momuhikwena umuundapela,+ ou watunda momukai wae mwene wehemupika;+ 23 mahi omona womuhikwena omuundapi weya umwe kokwatyitwa lwohitu,+ ou womukai wae mwene wehemuundapi weila etyi tyatolelwe.+ 24 Ovipuka ovio vialinga vala otyilekesa; ovakai ovo, valinga otyilekesa tyonomphango onombali, imwe oyo Komphunda yo Sinai,+ yeeta ovana valinge ovapika, omphango ipopia Angale. 25 Naina Angale omphunda yo Sinai,+ omphunda yo ko Alambia, ngwe pahe hono wapola tyo Selusalei, omupika nayo novana vayo. 26 Mahi o Selusalei ei yo keulu oyo hamupika-ko, oyo oyo o mee yetu.
27 Tyahonekwa: “Hambukwa ove mukai wokuhena olutyito, wahakutulile; kwiilila ove mukai weheivi omalwihamo okukutula; mokonda ovana vomukai wokwayekwa-po ovanyingi vali ko vomukai una omulume.”+ 28 Onwe vakulu vange, muvana vokwapangwa, mwapola tya Isake.+ 29 Mahi ngo omu tyaendelele-ale, ou wokweile tyokwatyitwa lwohitu ahukaisa ou waetelwe nomphepo ikola,+ otyo ñgoo hono tumona.+ 30 Mahi ngwe mwene ovihonekwa vitiwi? “Taata omuundapi nae nomona wae, mokonda omona womuundapi hae-ko malingi omphinga vapinge nomona womukai wehemuundapi.”+ 31 Naina vanthu vange, katuvana vomuhikwena omuundapi, mahi onthwe tuvana vomukai wehemuundapi.