Selemiya
10 Tehelela ondaka Siovaa ekupopia, ove umbo lya Isilayeli. 2 Siovaa wati:
“Mwahapole tyonondyila mbovanthu vovilongo,+
Nii mwahahavalei nga mwamona ovilekesa vyo keulu,
Mokonda ovanthu vovilongo vahahavala.+
3 Onontheto mbovanthu mbuyondya.*
5 Viafwa otyihingi tyavalekwa ovinyanga mepia liomatila, navio kavipopi;+
Okweenda vityindwa kavieende.+
Mwehevitilei owoma, vitupu-ale etyi vilinga otyivi,
Nii kavilingi natyike otyiwa.”+
6 Nawike welifwa noove Siovaa.+
Ove umunene, enyina liove enene, lina ononkhono.
7 Olie wahamekutili owoma, Hamba yovanthu vovilongo?+ Otyo, otyo vena okulinga,
Mokonda pokati kovanongo aveho vovanthu vovilongo, no pomauhamba avo aeho
Petupu ou welifwa noove.+
8 Aveho vetupu onondunge, ovahima.+
Ondongeso itunda komuti iyondya vala.*+
9 Opalata yokwatyopwa itunda ko Talisi+ oolu itunda ko Ufasi,
Iviukiswa nomunongo, ikwata peke lionkhulungu.
Omivalo viavo o viotyivala otyingole* no tyonkhula.
Aviho vilingwa novaundapi ovanongo.
10 Mahi Siovaa o Huku yotyotyili.
O Huku una omwenyo,+ Ohamba ya apeho.+
Mokonda yokwanumana kwae, ohi maiteketa,+
Petupu ovanthu votyilongo natyike mavevili onyengo yae.
11 * Etyi muna okuvepopila otyetyi:
“Ovika-huku viahatungile eulu, nohi
Mavikanyimwa kombanda yohi, no mombwelo yeulu.”+
12 Oo, oe watunga ohi kononkhono mbae,
Oe watunga eheke liovikuna kounongo wae,+
Watandaveka eulu mekungunyiko liae.+
13 Tyina aivisa ondaka yae,
Omaande meulu atutumba,+
Ukatula omakaka* kononthele mbo kokule-kule mbohi, eekatula meulu.+
14 Ovalume aveho kavasoko, valinga ovipuka tyehena ekungunyiko.
Ononkhulungu aveho mavakakundila ovilolo valinga vianthilwa,+
Mokonda ovilolo valinga viotyivela,* o viomatutu,
15 Viyondya,* ovilinga vihiwa okukwelwa.+
Tyina onthiki yomphela yavio yamehiki-po, mavikanyimwa-ko.
16 Tya Sakoo katyikahi ngovipuka ovio,
Mokonda tyae otyo tyalinga atyiho;
Isilayeli omphangoti yepingo Liae.+
Utiwa o Siovaa womambamba ovita.+
17 Pola-po epunda liove pohi,
Ove mukai wokuli mokati kongandyo.
18 Etyi otyo tyapopia Siovaa wati:
Otyipute tyange katyiveluka.
Ame nati: “Ou mwene ouvela wange umwe, ndyikoleleye vala.
20 Ekaka liange liahanywa-ko, onongoi mbatyo mbatipaulwa.+
Ovana vange vandyeka-po, kaveko vali.+
Kapahupile nawike matungu ekaka liange, ayale-ko ovinyanga viatyo.
Otyo valingila ovipuka tyehena ekungunyiko,
Ovipako viavo aviho viatyandyaneswa.”+
22 Tehelela! Kuli nokuya ondaka!
Kuli nokuya otyinimawe otyinene tyitundilila kotyilongo tyo kombanda,+
Opo omapunda-umbo o Sundaa tyeetyitule oluhandya, alinge eleva liovimbandye.+
23 Ame ndyityii nawa Siovaa, ondyila yomunthu kaitei kwe.
Omunthu weenda nonomphai mbae vala hae-ko umbululika.+
25 Uyulila onyengo yove kovanthu vovilongo vekutomba,+
No konombunga mbovanthu vahakalavandya enyina liove.