Oseya
1 Ombu onondaka Siovaa apopilile Oseya* omona wa Mbeeli, kononthiki mba Usiya+ na Sotau+ na Akasi+ na Isekiya+ onohamba mbo Sundaa,+ no kononthiki mbohamba yo Isilayeli Selombowau+ omona wa Sowasi.+ 2 Etyi Siovaa ahimbika okupopila Oseya onondaka mbae, Siovaa wapopila Oseya okuti: “Enda kanepe omukai ekunga,* okala novana voukunga,* mokonda otyilongo etyi tyayeka-po Siovaa mokonda youkunga.”*+
3 Aende, anepe Ngomele omona wa Ndimbalaii, akala omulemi, akutula omona omukwendye.
4 Siovaa emupopila okuti: “Muluka okuti o Sesiliyeli,* mokonda apa katutu mandyikakoyesa eumbo lya Seuu,+ mokonda ya Sesiliyeli wanengula ohonde, mandyikamana-ko ouhamba weumbo lyo Isilayeli.+ 5 Pononthiki mbatyo opo, mandyikateya onkhondyi yo Isilayeli Mevota* lyo Sesiliyeli.”
6 Ngwe akala vali neimo, akutula omona omukainthu. Huku apopila Oseya okuti: “Muluka okuti o Lo-Lwama,*+ mokonda himakala vali nokankhenda neumbo lyo Isilayeli, tyotyili mandyivetaata.+ 7 Mahi mandyikala nokankhenda neumbo lya Sundaa,+ ame mandyiveyovola, ame Siovaa Huku yavo;+ himeveyovola nonkhondyi nii nomutunga ine novilwa nii nononkhambe nii novalume vokweenda nononkhambe.”+
8 Etyi akupula-ko Lo-Lwama, akala vali neimo akutula omona omukwendye. 9 Ngootyo Huku apopi okuti: “Muluka okuti o Lo-Amii,* mokonda onwe kamuvanthu vange, ame himakala Huku yenyi.
10 “Ombalulo yovanthu* vo Isilayeli maikelifwa poluheke lwo kelunga, lwahapondola okweelekwa nii okuvalulwa.+ Pomphangu vapopililwe okuti: ‘Onwe kamuvanthu vange,’+ opo mavakapopilwa okuti: ‘Ovana va Huku una omwenyo.’+ 11 Ovanthu vo Sundaa novo Isilayeli mavakawanekwa,+ avekelikoyela onkhalamutwe ike avakatunda kotyilongo tyina, mokonda onthiki ya Sesiliyeli maikakala onene.+