Amosi
1 Amosi* o umwe povanthita vo ko Tekowa.+ Ombu onondaka apopililwe memonekelo lipopia o Isilayeli pononthiki mba Usiya+ ohamba yo Sundaa, pononthiki mbohamba yo Isilayeli Selombowau+ omona wa Sowasi,+ pweetyi nkhele kwakamba omanima evali opo otyinimawe tyimoneke.+ 2 Ngwe wati:
“Siovaa makomena ko Siyau,
Makalulukila ko Selusalei.
Ovipembe viovanthita mavikakukuta,
Pokatanga-tanga komphunda Kalumelu mapakakukuta.”+
3 “Siovaa wati:
‘“Mokonda Ndamasiku wanthyitukila-po tutatu, anthyitukila-po vali tukwana, himelikondola kweetyi nahanda okulinga,
Mokonda, vamiangula Sileyande novivela viokutyopa.+
4 Mandyitumu otupia meumbo lya Hasayeli,+
Otupia oto matuyoko-po ovimato viapama vya Mbeni-Handande.+
5 Mandyikateya-po omakumba o Ndamasiku;+
Mandyikahanya-ko vana vakala ko Mbikate-Aavene
Na una utumina* ko Mbete-Endene.
Ovanthu vo ko Silia mavakakala ovikonde ko Kile,”+ o Siovaa wetyipopia.’
6 Siovaa wati:
‘“Mokonda Ngasa+ wanthyitukila-po tutatu, anthyitukila-po vali tukwana, himelikondola kweetyi nahanda okulinga,
Mokonda vapola otyikundyi tyimwe tyovikonde,+ avetyitwala ku Endoo.
7 Mandyitumu otupia kovimato vya Ngasa,+
Otupia oto matukayoka-po ovimato viae viokwapama.
8 Mandyikahanya-ko vana vakala ko Asindonde+
Mandyityitukila-po Ekoloo nokuvoko kwange,+
Ova Filisitiya vokwahupa-po mavankhi,”+ otyo tyapopia Tatekulu Ohamba Onene Siovaa.’
9 Siovaa wati:
‘Mokonda Tilu+ wanthyitukila-po tutatu, anthyitukila-po vali tukwana, himelikondola kweetyi nahanda okulinga,
Mokonda vapola otyikundyi tyimwe tyovikonde, avetyitwala ku Endoo
Mokonda valimbwa omphango valingile pokulikwai kwavo.+
10 Mandyitumu otupia kovimato vya Tilu,
Otupia oto matukayoka-po ovimato viae viokwapama.’+
11 Siovaa wati:
‘Mokonda Endoo+ wanthyitukila-po tutatu, anthyitukila-po vali tukwana, himelikondola kweetyi nahanda okulinga,
Mokonda ankho uyeva ondenge yae nomutunga,+
Kakalele nokankhenda;
Mokonda yonyengo yae utwalako okuvehanya-ko,
Utwalako tyevenumanena unene.+
13 Siovaa wati:
‘“Mokonda ova Amoo+ vanthyitukila-po tutatu, avanthyitukila-po vali tukwana, himelikondola kweetyi nahanda okulinga,
Mokonda vatandaula omaimo ovalemi va Sileyande opo vayawise kohika yavo.+
14 Mandyipake otupia kovimato vya Lambaa,+
Otupia oto matukayoka-po ovimato viae viokwapama,
Nonkhwo yovita monthiki yovilwa,
Nomphepo onene monthiki yepuku-puku.
15 Ohamba yavo novakwatesiko vayo,* mavatwalwa koukonde,”+ otyo tyapopia Siovaa.’