Sombe
33 “Mahi pahe Sombe tehelela-vo onondaka mandyipopi.
Tehelela umwe atyiho mandyipopi.
2 Tala! Mandyiikula omulungu wange.
Elaka liange malipopi.
3 Ndyipopia tupu evi viaviuka, ovio umwe vili komutima wange,+
Omulungu wange upopia vala etyi tyili momutima wange.
5 Mwene ine una etyi wahanda okupopia, popia.
Mphopile-vo etyi wasoka. Popia umwe.
6 Tala! Ame noove, ku Huku yotyotyili tutyipuka tyike vala.
Naame natungwa umwe vala nonthata.+
7 Ame hitilisa-le owoma, wahalinge otyiho,
Ndyitupu-ale etyi mandyipopi tyikupola omwenyo.
8 Etyi wapopia netyiiva,
Onondaka ombu wembupalaika ehimbwe, wati:
9 ‘Ame nasukuka, halingile onkhali,+
Nasukuka, hapengesile.+
10 Mwene etyi Huku eli nokumonesila ononkhumbi utyii.
Pahe nalinga umwe ondyale yae.+
11 Onomphai mbange umbukutila mepundi,
Uti apa ndyienda napo undyunga vala.’+
12 Mahi ove ankho ñgeno kupopi ngootyo, ame pahe mandyikuti:
Huku omunene kaelekwa-le nomunthu.+
13 Oityi ove upopila-po Huku tyina uliyava?+
Okuti otyetyi ahakumbululile onondaka mbove ambuho?+
14 Huku uti umwe apopi, apaleka-po vali,
Mahi nawike umwiiva.
15 Upopila mondyoi kounthiki,+ memonekelo,
Tyina ovanthu velele umwe nthipa,
Tyina veli komaula avo velele.
16 Huku upatula omakutwi avo,+
Alongela-mo* ondongeso yae,
17 Ulinga ngootyo opo ahondovole omunthu kovivi,+
Emuyakulile, ahalinge womakamo.+
18 Huku uyovola ohande* yomunthu opo yahaye keendo,*+
Ayovola omwenyo womunthu oo opo ahapolwe-ko nomutunga.*
19 Tyimwe tupu tyiviyula omunthu, onongembia eivila poula wae,
Nononkhumbi apanga nambo momankhipa ae,
20 Pahe atyimupe nokulia ehetyihande vali,*
21 Olutu lwae lupwenyunuka,
Aa omankhipa ae pahe aeya poluhandya.*
22 Ohande yae ihungama metoto.*
Omwenyo wae wenda no ku vana vaeta ononkhia.
23 Mahi ine kutumbuka omutumwa-ndaka,*
Hamwe po 1000 apatundu wike umwaamena,
Apopile omunthu oo etyi tyaviuka,
24 Opo Huku memulingi okankhenda, ati:
Namona-le etyi tyimuhukulula!+
25 Olutu lwae lutalala vali tyipona po lwomukwendye.+
Akale ngeetyi ali poukwendye pweetyi ankho nkhele ena ononkhono.’+
26 Omunthu oo mekelivondela ku Huku,+ ngwe emutavela,
Makamona otyipala Tyae otyo akwiilila.
Omunthu oo, Huku mekemuti vali ondingaviwa.
27 Omunthu oo makapopila* vakwavo ati:
‘Nalinga onkhali,+ napengesa halingile etyi tyaviuka,
Mahi halingilwe etyi ankho ndyihiwa.*
29 Mwene o Huku ulingila ovanthu ovipuka ovio aviho,
Uti umwe evilingi apaleka vali, apaleka-po lya tatu, mokonda uhole omunthu,
30 Utyilinga apole omunthu* metoto,*
Amimikilwe notyimimi tyomwenyo.+
31 Sombe tehelela! Tehela kuno!
Ove nkhele wahapopie, nkhele hinemane.
32 Mwene ine una etyi wahanda okupopia, popia.
Popia, ame nahanda okutala apa ove waviukisa.
33 Ine utupu-ale etyi wahanda okupopia, opo nkhele tehelela vala kuno.
Ove nkhele wahapopie ndyikupopile onondunge.”