Ovakoyesi
3 Ovo ovanthu vovilongo Siovaa ayekela-ko, opo alole ova Isilayeli aveho vahamwene ovilwa aviho vialingilwe nova Kanaa+ 2 (otyo wetyilinga opo ovana aveho vatyitwa konyima mo Isilayeli vakale movilwa, aveho vana vahamwene ovipuka ovio): 3 ovatumini vetano vova Filisitiya,+ nova Kanaa aveho, nova Sindone,+ nova Heveu,+ vakala mo Limbanu,+ okuhimbikila konomphunda mbo Mbaale-Helemoo atee ko Lembo-Hamate.*+ 4 Ovanthu vovilongo ovio, avalolo ova Isilayeli. Ova Isilayeli vena okulekesa okuti mavetavela ovitumino vya Siovaa, ovitumino vina aavelele ovo he, etyi atuma Mwisesi.+ 5 Ngootyo ova Isilayeli, vakala pokati kova Kanaa,+ nova Hete, nova Amoleu, nova Peliseu, nova Heveu, nova Sembusi. 6 Vanepa ovana vovanthu ovo, tupu vanepesa-ko ovana vavo ovahikwena, pahe avahimbika okufenda kovika-huku viavo.+
7 Ova Isilayeli avalingi etyi tyapenga komaiho a Siovaa; ku Siovaa Huku yavo avalimbwako, avafende ovika-huku ovi Mbaale,+ novipandyi vikola.*+ 8 Onyengo ya Siovaa ainkhindukila ova Isilayeli, evepakula* pomavoko a Kusaa-Lisataii, ohamba yo Mesopotamia.* Ova Isilayeli avaundapela Kusaa-Lisataii omanima etyinana. 9 Etyi ova Isilayeli veliyava ku Siovaa evekwateseko,+ Siovaa eveovolela omuyovoli opo ayovole ova Isilayeli:+ omuyovoli watyo o Otiniyeli+ omona wa Kenasi, Kenasi ondenge ya Kalembe. 10 Omphepo ya Siovaa aiya mwe,+ akala omukoyesi wo Isilayeli. Etyi vakalwa, Siovaa emupakulila Kusaa-Lisataii ohamba yo Mesopotamia* pomavoko ae, alwisa Kusaa-Lisataii atiliko. 11 Pahe otyilongo atyipululukwa* momanima 40. Otiniyeli omona wa Kenasi anyimi.
12 Konyima ova Isilayeli avahimbika vali okulinga etyi tyapenga komaiho a Siovaa.+ Siovaa ayeke Engoloo ohamba yo Moambe+ akala vali tyapama tyipona ova Isilayeli, mokonda etyi valinga tyapenga komaiho a Siovaa. 13 Nkhele evetumu vali ova Amoo,+ nova Amaleke.+ Avalwisa ova Isilayeli, avevepolo epunda-umbo liomindende.+ 14 Ova Isilayeli avaundapela Engoloo ohamba yo Moambe, omanima 18.+ 15 Ova Isilayeli aveliyave ku Siovaa okwiita evekwateseko,+ Siovaa eveovolela omuyovoli:+ omuyovoli oo, o Eunde+ omona wa Sela, watuka mu Mbesamii+ ankho utyoka nokumbili.+ Mokweenda kwononthiki, ova Isilayeli ngae vatuma evetwaile-ko elilimu kohamba yo Moambe Engoloo. 16 Pononthiki opo, Eunde elinthilila omutunga watwa, una okovandu* ike moule, eukutila metumbo liotyikalo tyae tyo kokulio kohi yovikutu. 17 Atwala elilimu ku Engoloo, ohamba yo Moambe. Engoloo ankho omulume umwe wanina unene.
18 Etyi emwavela-lio, Eunde akondoka novalume vokwatyindile elilimu. 19 Mahi etyi ehika povilolo viokwanthilwa* ko Silingale+ akondoka, ati: “Ndyina ondaka nahanda okukupopila pokamphengi, hamba.” Ohamba aiti: “Muti filuu!” Ovaundapi vayo aveho, avatundu ponthele yae. 20 Eunde afwenaina pohamba ipumphi aike mondywo yayo yo keulu yokutenda nawa. Eipopila okuti: “Ndyina ondaka ya Huku mandyikupopila tatekulu.” Ohamba aikatuka kotyipundi tyayo tyoutumini. 21 Eunde anane-mo omutunga metumbo liae lyo kokulio nokuvoko kwokumbili, atomo ohamba meimo. 22 Omutunga aunyingila auho aupwila-mo novikwatelo viatyo, otyilenga atyipate-po, mokonda Eunde omutunga keunanene-mo, otyandya atyilupuka. 23 Eunde alupuka-mo,* ayeila omapito ondywo yo keulu, eeiki. 24 Etyi apita, ovaundapi vohamba aveya, tyina vavasa omapito ondywo yo keulu aikwa. Avati: “Tyipondola waya kofika, upumphi mokandywo kae kokoluhinyi kokutenda, uli nokulinga ovilinga viae.”* 25 Avakevelela ehimbwe, konyima avalingi otyiho. Etyi vatala kaikula omapito ondywo yae yo keulu, avapolo onosapi, avaikula-po. Tyina vakatala-ko, ohamba yavo yakaalangata yankhia, ilangi pohi!*
26 Pweetyi nkhele veheneye, Eunde wakahateka-le, wapita. Akakwata povilolo viokwanthilwa,*+ ekehika nawa ko Seilaa. 27 Etyi ehika, ahikila onkhwino+ motyilongo tyonomphunda mbo Efalaii;+ ova Isilayeli avatuluka motyilongo tyonomphunda, ngwe akala komutwe wavo. 28 Evepopila okuti: “Ndandulei, Siovaa wapakula onondyale mbenyi pomavoko enyi, ova Moambe.” Avemulandula, avakakelela poviyau viondongi yo Solondau, opo ova Moambe vahamone apa vakwata, avahayeke nawike ayauke. 29 Pononthiki opo, avaipaa ova Moambe 10.000,+ aveho vokwapama novakwendye omatele atyo; apahahupu nawike.+ 30 Onthiki oyo, ova Moambe aveliheke kova Isilayeli, otyilongo atyipululukwa-po* omanima 80.+
31 Konyima ya Eunde, akuya Sangale+ omona wa Anate, waipaele ova Filisitiya 600+ notyimuti tyina ondungu tyokwombola onongombe;+ nae wayovolele ova Isilayeli.