Wo Tete Wahonekelwa Ova Kolindu
12 Pahe okuyemba kotyali tya Huku,+ vanthu vetu, hihande mukale vala ngootyo tyehetyii. 2 Onwe mutyii okuti etyi ankho mwali ovanthu vomihoko omikwavo,* ankho muhongiliywa, ankho muyapulwa umwe amutwalwa kovilolo viahapopi-ale,+ ankho muti vala avimutwala noku mukwai-mo, avimutwala noku mukwai-mo. 3 Mahi pahe ame nahanda munoñgonoke okuti petupu omunthu uti ngwe una omphepo ikola mahi ati: “Sesusi wahingwa!” apehena-le ou uti: “Sesusi o Tatekulu!” mahi ehena omphepo ikola.+
4 Otyali twalingwa, tyati umwe ou wapewa etyi, ou wapewa etyi, mahi omphepo ikola kuna vala ike,+ 5 no pokuundapa, tyiti umwe ou uundapa etyi ou uundapa etyi,+ mahi Tatekulu wike vala; 6 kuna ovilinga vielikalaila, mahi o Huku wike vala ulingila ovipuka aviho mu aveho.+ 7 Mahi omu omphepo ya Huku ihololokela, ipewa mwene munthu na munthu yeete oviwa.+ 8 Mokonda tyiti umwe ou omphepo yemupa tyokupopia nounongo;* ou omphepo yemupa tyokupopia nenoñgonoko nomphepo yatyo ñgoo oyo, 9 ou umwe upewa eyumba-nthumbi+ nomphepo yatyo oyo ñgoo, ou umwe apewa otyali tyokuhakula+ nomphepo oyo, 10 nkhele umwe imupa tyokulinga ovilinga ovinene,+ ou umwe o tyokuula, ou omukwavo o tyokukungunyika onondaka mbafiminwa,+ ou omukwavo o tyokupopia omalaka omanyingi,+ ou omukwavo o tyokupotoyola omalaka.+ 11 Mahi ovipuka ovio aviho vilingwa vala nomphepo ike, okwaandyela munthu na munthu ngo omu tyahandelwa.
12 Mokonda, o ngeetyi olutu lwike vala ngwe ovipuka ovinyingi viatunga olutu, namphila ovinyingi viatunga olutu mahi olutu lwike vala,+ na Kilisitu ongootyo. 13 Atuho twambatisalwa nomphepo ikola molutu lwike, tyilinge ova Sundaa tyilinge ova Ngeleku, tyilinge ovapika tyilinge ava vehe-vapika, atuho twanwiswa komphepo ike vala.
14 Mokonda tyili, tyitunga olutu hatyipuka tyike vala, mahi lwatungwa novipuka ovinyingi.+ 15 Ine omphai iti: “Ame mokonda hinkhanya-ko, ame hiwolutu,” otyo hatyo yahamalingila vali yolutu. 16 Ine okutwi kuti: “Ame mokonda hiiho-ko, ame hiwolutu,” otyo hatyo kwahamalingila vali okutwi kwolutu. 17 Ine olutu aluho lwali vala eiho, opo ñgeno okutehelela tyalingwa ñgeni? Ine olutu aluho lwali okutwi, opo ñgeno okwiiva omuniko tyeivalela putyi? 18 Mahi mwene Huku aviho apaka kolutu wevipaka umwe ngo omu ahandela.
19 Pahe ine ovipuka aviho viali vala otyipuka tyike, opo olutu ñgeno lwakalela-pi? 20 Mahi pahe kolutu kuna ovinyingi, otyo ngwe olutu lwatyo lwike vala. 21 Eiho kalipondola okutolela enkhanya aliti: “Ame hesukile noove,” hamwe omutwe autolela onomphai auti: “Ame hesukile noonwe.” 22 Otyo hatyo, evi vili kolutu vilinga ngoti kaviapamene, viesukisa umwe, 23 evi vimwe vili kolutu onthwe tuti haviwa, ovio ovio umwe tulinga vali onthilo,+ naina evi vili kolutu viehetavela okutala, ovio umwe tulinga vali onthilo, 24 evi ngwe vili kolutu lwetu vitavela okutala, ovio kavisukisa okulingwa natyike. Mahi ngwe Huku pokwalinga olutu, wapa umwe vali omunkhima apa pokwakamba-kamba omunkhima, 25 walinga ngootyo olutu lwehelitepauke, opo aviho vili kolutu visuke umwe novikwavo.+ 26 Tyike vala kolutu okwiihamenwa, aviho vili kolutu navio viihamenwa;+ tyike kolutu okuhilivikwa, ovikwavo aviho vili kolutu navio vihambukwa.+
27 Onwe pahe mulutu lwa Kilisitu,+ amuho onwe munthu na munthu muli kolutu olo.+ 28 Vokuwanena, Huku mwene wati umwe ou wemupa tyae, ou wemupa tyae: tete, ovatumwa;+ vali, ovauli;+ tatu, ovalongesi;+ pahe akulandula ovilinga ovinene;+ akuya otyali tyokuhakula;+ no tyokuhukulula ava vehulilwa; no tyounongo wokululika;+ no tyomalaka nomalaka.+ 29 Ha aveho ovatumwa, ine hatyo? Ha aveho ovauli, ine hatyo? Ha aveho ovalongesi, ine hatyo? Ha aveho valinga ovinene, ine hatyo? 30 Ha aveho vapewa tyokuhakula, ine hatyo? Ha aveho vapopia omalaka nomalaka, ine hatyo?+ Ha aveho o vokupotoyola,* ine hatyo?+ 31 Mahi onwe sukei notyali* tyoviwa ovinene vali.+ Ame haa mandyimulekesa ondyila yapona-po vali.+