Wa Vali Wahonekelwa Ova Tesalonika

1 Ame Paulu, tuna ovo Silivanu* na Timotiu,+ nahonekela ewaneno lyo ko Tesalonika lili kumwe na Huku, Tate yetu, na Tatekulu Sesusi Kilisitu:

2 Okankhenda okanene kakale noonwe, atyiho nombembwa itunda ku Huku no ku Tatekulu Sesusi Kilisitu.

3 Onthwe apeho tuna umwe vala okupandula Huku, tupandulila onwe vanthu vetu. Otyo tyata-mo umwe, mokonda eyumba-nthumbi lienyi lili umwe nokukula otyinene, nolwembia lwenyi amuho poyenyi luli nokulinga olunene.+ 4 Otyo tyetweetela umwe okulimphandela+ onwe momawaneno a Huku, mokonda yokukoleleya kwenyi, neyumba-nthumbi lienyi tyina muhukaiswa, no mononkhumbi* mukondya* nambo.+ 5 O ku otyo umwe kutalelwa okuti omphela ya Huku iviuka, otyo mutilwa muhiwa Mouhamba wa Huku, ou mumonena emone.+

6 Ngwe tyili tyatamo umwe Huku okuti ava vamemumonesa emone navo evemonesa emone.+ 7 Mahi onwe, onwe vokuli nokukondya nononkhumbi, mamukayovolelwa kumwe noonthwe mufimepo pokuhololoka kwa Tatekulu Sesusi+ utunda keulu, uya no noandyu mbae mbononkhono,+ 8 momutemo wotupia, pokweeta onyengo ku ava vehei Huku, naava vehetavela oviwa ovipe viayemba ku Tatekulu yetu Sesusi.+ 9 Ovo yatyo mavakondyo, mavakahanywa-ko umwe avakakota,+ komaiho a Tatekulu avanyimiko umwe, kononkhono mbae mbomunkhima, 10 pomuvo ngwe eya ankhimanekwe novasukuki vae, opo ava vayumba-ko onthumbi evehuvise aveho, mokonda oumbangi wetu onwe mweutambula umwe tyayumba-ko onthumbi.

11 Otyo yatyo, otyo umwe tulikwambelela tumwiitile, twahanda Huku yetu emutie mwata mokwiihanwa nae,+ kononkhono mbae avitule umwe oviwa aviho ahambukilwa, novilinga aviho vieyumba-nthumbi. 12 Otyo o tyokuti umwe opo enyina lya Tatekulu yetu Sesusi linkhimanekelwe mwoonwe, noonwe nae, mokankhenda okanene twalingwa na Huku yetu, na Tatekulu Sesusi Kilisitu.