Oviimbo
Oko wokutumbula-mo. Otyiimbo. Otya Ndaviti.
109 Ove Huku yange ndyili nokukuhivilika,+ wahatie vala filuu.
2 Mokonda onondingavivi nononkhembi vamphaka kelaka.
Ame vala vapopia nelaka liomatutu.+
3 Vamphaka pokati nonondaka mbavo mbokundyele,
Vandwisa anehena etyi nalinga.+
4 Ame ndyivehole umwe mahi ngwe vendyele.+
Mahi hitalama-le kokulikwambela.
6 Ove mupambulila omunthu ondingavivi imukoyese.
Kokulio kwae kuhule ondyale yae.
9 Ovana vae* vakale onosona,
Omukai wae esale omuhepe.
10 Ovana vae* valuvelele ku vakwavo,
Vatunde momaumbo avo ahanyauka avakataindya okulia.
11 Omunthu alevala emupunde atyiho,
Ava ehei vemupole viae.
12 Pahamone ou umulinga okankhenda,*
Nawike ulinga otyali ovana vae onosona.
14 Siovaa+ ahalimbwe onkhali yalingailwe novo inakulu,
Onkhali ya ina ilinge lwomutalo.
15 Siovaa ahalimbwe umwe evi valingaile.
Kombanda yohi evenyime-ko avahahinangailwa vali.+
16 Mokonda omulume ou kasokele-vo okulinga olwembia*+ vakwavo,
Ulandaula vokwamona emone,+ vokwahepa, vokwaetesa onkhenda
Wahanda okuveipaa.+
17 Utyihole navi tyokuteyela vakwavo ononkhano, mahi pahe mbawila kombanda yae.
Wapeleyila-le vakwavo elao, mahi ngwe nae kamwene elao.
18 Mononkhano uvala-mo uti vala ovikutu viae.
Mbanyingila molutu lwae ngomeva,
Mbanyingila momankhipa ae ngomulela.
19 Ononkhano mbae mbulinge ngovikutu viae avala+
Ngepoha avala apeho.
21 Mahi ove Tatekulu Ohamba Onene Siovaa,
Ndyamene-vo mokonda yenyina liove.+
Mphukulule-vo mokonda olwembia lwove oluwa.+
23 Ndyili umwe nokwenda uti vala otyihi tyina kunthikovela.
Nayumbwa kokule ngotyimphunia-mphunia.
24 Ponongolo mbange pasosa mokonda yokwahali.
Ndyili nokuhoka, ame oo ndyienda.*
25 Pahe ndyikalela vala okukwelwa.+
Vati vala tuki kwaame avapuku komitwe.+
26 Nkhwateseko-vo Siovaa Huku yange.
Ndyovole-vo mokonda yolwembia lwove olunene.
27 Vanoñgonoke okuti enkhanya liove liandyovola.
Ove Siovaa walinga ngootyo.
28 Ngwe vantheyele onkhano mahi ove mphe elao.
Tyina vandwisa vakunde,
Mahi ame muundapi wove ndyihambukwe.
29 Vokundwisa vavale molukundo alukala ovikutu viavo.
Velihike molukundo alukala omakapote avo.+
30 Omulungu wange maunkhimaneka Siovaa nombili onene.
Mandyimuhivilikila komutwe wovanthu ovanyingi-nyingi.+
31 Mokonda makakalela kokulio kwomuhepi
Opo emuhukulule ku vana vahanda okumuleka.*