Selemiya

21 Selemiya atambula ondaka yatunda ku Siovaa etyi ohamba Sendekiya+ yemutuma Pasule+ omona wa Malikiya, na Sofoniya+ omona wa Maaseya omunakwa, vekapopie nae vatie: 2 “Twiitile-ko-vo ku Siovaa, mokonda Nambukondonosole* ohamba yo Mbambilonia, uli nokutulwisa.+ Hamwe Siovaa ulinga-vo vala omaelema ae etwaamena, etuhondovoke-vo vala.”+

3 Selemiya eveti: “Etyi otyo mukapopila Sendekiya mukemuti: 4 ‘Siovaa Huku ya Isilayeli wati: “Ame ndyili nokumukondolela ovihongati viovilwa vili pomavoko enyi, evi muli nokulwisa navio ohamba yo Mbambilonia,+ nova Kalindeya veli kovimato viokwemupaka pokati. Ame mandyiviongiya* pokati kepunda-umbo eli. 5 Mwene ame mandyilu noonwe+ nokuvoko kwatandavela, okuvoko kwakola, nonyengo, nolunuma, tyankhinduka.+ 6 Mandyivange ovanthu vakala mepunda-umbo omu, aveho, novanthu novinyama. Mavakankhia komukihi umwe omunene.”’*+

7 “‘“Pahe haa,” o Siovaa wetyipopia, “ame mandyipakula Sendekiya ohamba yo Sundaa, novaundapi vae novanthu vomepunda-umbo omu — ava vahupa komukihi no komutunga, no kondyala — mandyivepakula peke lya Nambukondonosole* ohamba yo Mbambilonia, peke lionondyale mbavo, no peke lya ava vesuka nokuvepola omwenyo.*+ Mekevevanga avatoko komutunga. Kamekeveevela, kamevelingi okankhenda, nii kameveetehila-mo onkhenda.”’+

8 “Ove ovanthu ava vepopila uti: ‘Etyi otyo tyapopia Siovaa wati: “Ame ndyili nokupaka kotyipala tyenyi ondyila yomwenyo nondyila yononkhia. 9 Ava vahatundu mepunda-umbo omu, mavakankhia komutunga, no kondyala, no komukihi. Mahi ou ulupuka-mo, elifefe kova Kalindeya, vokwemupaka pokati, oo makala-kala nomwenyo, omwenyo wae oo maukalinga epingo liae.”’*+

10 “‘“Mokonda ame napaka otyipala epunda-umbo eli ndyilieetele ovihuna, hambembwa,”+ o Siovaa wetyipopia. “Malipakulwa peke liohamba yo Mbambilonia,+ elipake otupia.”+

11 “‘Onwe veumbo liohamba yo Sundaa: Tehelelei ondaka ya Siovaa. 12 Onwe veumbo lya Ndaviti, etyi otyo tyapopia Siovaa wati:

‘Onwe muti: “Olie malauka, eya okutulwisa?

Olie maululila momaumbo etu?”