Mikeya
3 Ame andyiti: “Mbambavo, tehelelei onwe nonkhalamutwe mba Sakoo,
Noonwe vatumini veumbo lya Isilayeli.+
Okuti kamupondola okunoñgonoka etyi tyaviuka?
2 Mahi onwe muyele otyiwa+ muhole otyivi.+
Muyuva otyikova tyovanthu vange, mutunyuna ohitu komankhipa avo.+
3 Tupu mulia ohitu yovanthu vange,+
Muvepola otyikova tyavo,
Mutyatyaula omankhipa avo, aakala ovinyanya,+
Aakala ngatyina omankhipa nohitu yatelekwa mombiya onene.
4 Opo yatyo opo, mavakakalavandya Siovaa evekwateseko,
Mahi kamekevekumbulula.
5 Etyi otyo Siovaa apopia matyilingwa ovauli ovo vekahi nokuyapula ovanthu vange,+
Putyina vena etyi vanthiakina* nomayo avo+ vati ‘Ombembwa!’+
Tyina umwe ahapake natyike momulungu wavo, vapopia okuti mavemulwisa, vati:
Kovauli ekumbi malikanyingila,
Kuvo otyitenya matyikanthikovela.+
7 Ovatali mavakakunda,+
Ovitapi mavikakunda.
Aveho mavekelikwata komulungu,
Mokonda Huku kamekevekumbulula.’”
8 Ame nakala tupu nononkhono, omokonda yononkhono mba Siovaa,
Tupu nakala nouviuki, nononkhono,
Opo ndyipopile Sakoo oumphuki wae na Isilayeli ononkhali mbae.
9 Mbambavo, tehelelei onwe nonkhalamutwe mbeumbo lya Sakoo,
Noonwe vatumini veumbo lya Isilayeli,+
Onwe vokuyele ouviuki, mupilulula atyiho tyaviuka,+
10 Onwe vokumomesa ohonde opo mutungise o Siyau amutungisa o Selusalei novipuka ovivi mulinga.+
No ngootyo vasoka okuti Siovaa uvekwatesako, avati:
“Siovaa kekahi noonthwe?+
Kamatumono-ale ovitateka.”+