Nauu
1 Onondaka mbomphela yo Ninive.+ Omukanda wovililenya viamwene Nauu* omu Elekosi:
2 Siovaa o Huku wahanda okufendwa vala aike,+ omunthu ovivi alinga umufeta-vyo umwe.
Siovaa, omunthu ovivi alinga umufeta-vyo umwe, onyengo yae wiipola-mo umwe.+
Siovaa onondyale mbae mekembufeta umwe.
Upakela onyengo ava vemuyele.
3 Siovaa wapwa-elundo,*+ una ononkhono ononene,+
Mahi Siovaa utupu onthiki melikondola okuhanya-ko una ulinga ovivi.+
Ondyila yae ikahi momphepo ihanya, no mepuku-puku,
Omakaka ombuma konomphai mbae.+
Ohika yo Mbasaa no yo Kalumelu yuuvuka,+
Ononthemo mbo ko Limbanu mbuuvuka.
5 Mokonda yae onomphunda mbuteketa,
Ovipunda visenguluka.+
Ohi maikateketa mokonda yotyipala tyae,
Ohi maikateketa kumwe novanthu aveho vakala-mo.+
6 Tyina amanumana, olie upondola okukala lutai?+
Olie upondola okukoleleya onyengo yae onene?+
Onyengo yae maikeliyandyana ngotupia,
Ononkhanda mambukanyanyauka mokonda yae.
7 Siovaa omuna-mwenyo,+ oe otyiholamo monthiki yononkhumbi.+
Uhinangela* vana vaovola okukaholama mwe.+
8 Makahanya-ko o Ninive* nombila imwe onene,
Onondyale mbae mambukakala menthiki.
9 Oityi mamupange okulingila Siovaa?
Oe maeta ehanyauno limwe enene.
Ononkhumbi kamambumoneka tya vali.+
10 Mokonda vekahi ngomakete elikuta-kuta,
Vekahi nga vana vakolwa noselevesa;*
Mahi mavakayokwa ngolwinge.
11 Kwoove makukatunda omunthu ulinga omphango Siovaa,
Omunthu upopia ondongeso yahasilivila.
12 Siovaa wati:
“Namphila omitete viavo viafwapo, ovanyingi,
Mahi nongootyo, mavakahanywa-ko, avahakakala-ko vali.*
Ame nekumonesa ononkhumbi,* mahi himekekumonesa vali ononkhumbi.
13 Pahe mandyikateya okanga yae, andyikemupola-yo,+
Andyikatipaula omalienge ae.
14 Siovaa wapopia konthele yove* okuti:
‘Enyina liove kamalikatwalako vali.
Mondywo yono huku mbenyi, mandyikanyima-mo ovika-huku vienyi vianthindwa no viokwanthilwa novivela.
Mandyikekulingila eendo mokonda ove kusilivila.’
15 Tala! Konomphunda, talei onomphai mba ava vaeta oviwa ovipe,
Omwivisi wombembwa.+
Linga ovipito viove+ ove Sundaa, linga evi wapopaile,
Mokonda petupu vali omunthu wahasilivila makakwata pwoove.
Oe makahanyaunwa-ko.”