Wo Tete Wahonekelwa Ova Kolindu

2 Etyi neile oko vanthu vetu, pokumupopila otyipuka tyikola tyaholekwa+ tya Huku, hapopile onondaka ononene,+ hapopile tyounongo wovanene. 2 Ame ankho nati pokati kenyi nahahule-ale kokutyii, ndyilinge vala wokwii etyi tya Sesusi Kilisitu, ou wokwankhila momuti.+ 3 Ame kwoonwe neya-ko tyayengenga, neya nowoma, neya nokuteketa; 4 omu napopila no omu naivisila, hapopile tyonondaka mbovanongo mbukoweswa, mahi napopia lwomphepo ya Huku, lwononkhono mbae,+ 5 onwe mokuyumba-ko onthumbi, mwahapamenei mounongo womunthu, mahi pamenei mononkhono mba Huku.

6 Pahe onthwe tuli nokupopila ounongo pwaava vakola-le,+ mahi haunongo wouye uno,* haunongo wovatumini vouye uno, ava apa haa mavahakakala-ko-ale vali.+ 7 Onthwe tupopia ounongo wa Huku movipuka vikola viaholekwa,+ ounongo wokwaholekwa, ou Huku apangela-le omunkhima wetu pweetyi ouye ou weheneye-ko. 8 Oo ounongo wehena omutumini nawike wouye uno* weukungunyika,+ ngwe ine veunoñgonokele, ñgeno kavaipaele* Tatekulu yetu omunene. 9 Mahi tyahonekwa-le okuti: “Eiho kalietyimwene, okutwi kakwetyiivile, no komutima wa munthu vala katyeile-ko tyovipuka Huku apangela ava vemuhole.”+ 10 Onthwe, onthwe Huku aholololela+ nomphepo yae+ ovipuka ovio, mokonda omphepo itaindya umwe ovipuka viatyo aviho, neevi umwe viaya kohi vya Huku.+

11 Ngwe olie umwe omunthu wii viomunthu, hamphepo ili mokati kae mwene? Naina no vya Huku ha umwe vali uvinoñgonoka, omphepo yatyo mwene ya Huku. 12 Onthwe mahi pahe katwatambulile omphepo youye, twatambula omphepo yatunda ku Huku,+ opo tunoñgonoke ovipuka Huku etwaavela kotyali tyae. 13 Ovipuka ovio onthwe pokuvipopia, katuvipopi nonondaka twalongwa novanthu kounongo wavo,+ tuvipopia nonondaka twalongwa nomphepo+ ya Huku, tupotoyole* vya Huku nonondaka mbomphepo ya Huku.

14 Omunthu wayemba ko viohitu, ketavela* viomphepo ya Huku, mokonda ngwe ovio uviti o vioundamba; nae kevinoñgonoka-le, mokonda vikungunyikilwa vala momphepo ya Huku. 15 Mahi omunthu una omphepo ya Huku, oo ukungunyika ovipuka aviho,+ ngwe nawike umunoñgonoka. 16 Ngwe “olie weya mokunoñgonoka etyi tyili momutwe wa Siovaa,* pahe emulongese?”+ Onthwe tuna onondunge mba Kilisitu.+