Omukanda wa Vali Ehipululo
1 Salomau omona wa Ndaviti, atwalako okukala tyapama mouhamba wae, Siovaa Huku yae otyo emukwatesako, emulingi omunene unene.+
2 Salomau atumu okwihana ova Isilayeli aveho, ononkhalamutwe mbovityita ekwii, no mbotyita, no vokuteta onomphela nononkhalamutwe ambuho mbo Isilayeli, onohongoi. 3 Salomau newaneno aliho avaende komphangu yokwaya peulu ko Simbeau,+ mokonda ekaka liomaliongiyo lya Huku yotyotyili oko likahi. Ekaka Mwisesi omuundapi wa Siovaa, atungilile moluhandya. 4 Mahi Otyikasa Tyomphango tya Huku yotyotyili Ndaviti akapolele ko Kiliyate-Seyalii,+ wetyipaka pomphangu etyiviukisila. Ankho wetyitungila ekaka mo Selusalei.+ 5 Omutala wovilikutila wotyitasu+ watungilwe na Mbesaleli+ omona wa Uli, Uli omona wa Huli, ukahi komutwe wekaka lya Siovaa. Salomau novaunyingi aveho ankho veli nokulikwambelela komutwe walio.* 6 Ngapo Salomau alingila ovilikutila komaiho a Siovaa, aave ovilikutila 1.000 viokuyokwa komutala wovilikutila wotyitasu,+ wekaka liomaliongiyo.
7 Motyinthiki tyatyo otyo, Huku amonekela Salomau emupopila okuti: “Ita etyi wahanda ñgeno ndyikwavela.”+ 8 Salomau akumbulula Huku ati: “Ove walingile olwembia olunene Ndaviti+ tate yange, ame wamphaka kouhamba pomphangu yae.+ 9 Pahe Siovaa Huku etyi walaele Ndaviti tate yange tyikale otyili,+ mokonda ame wandinga ohamba yovanthu ovanyingi-nyingi vekahi ngoluheke.+ 10 Pahe mphe-vo enoñgonoko nounongo,+ opo ndyityivile okululika ovanthu ava,* tyina utala omunthu patyi utyivila okuteta onomphela mbovanthu ava vove ovanyingi-nyingi ñgaa?”+
11 Huku apopila Salomau okuti: “Mokonda otyotyo omutima wove wahanda, kwaitile olumono, ohaitile ouhona nomunkhima, ohaitilile vokukuyele ononkhia,* nii ohaiti omwenyo omule,* mahi waita enoñgonoko nounongo utyivile okululika ovanthu vange nekupakulila uvetumine,+ 12 mandyikwaavela ounongo nenoñgonoko. Tupu mandyikupe olumono nouhona, nomunkhima, naike ohamba yakalele ngeetyi mokala nkhele tya kohale, kakukakala ohamba naike iketyivila otyo.”+
13 Ngootyo, Salomau atundu komphangu yokwaya peulu ko Simbeau+ pekaka liomaliongiyo, aende no ko Selusalei atumina ova Isilayeli. 14 Salomau otyo elipakela omatemba omanyingi ovilwa nononkhambe.* Wali nomatemba ovilwa ena 1.400 nononkhambe* 12.000.+ Ovipuka ovio wevipakele momapunda-umbo omatemba ovilwa+ mo Selusalei, popepi nohamba.+ 15 Ohamba yaongiyile opalata noolu mo Selusalei, aikake unene ngomamanya.+ Tupu yaongiyile unene omavai omisendulu, aakake unene ngomikuyu vyo mo Sefelaa.+ 16 Ononkhambe mba Salomau ankho mbutunda ko Isitu.+ Ovakwa-vitanda vohamba ankho valanda ononkhambe ononyingi * motyifwe tyike.+ 17 Omatemba ovilwa aeho ankho atunda ko Isitu, like ankho lilanda onopalata 600, onkhambe ike ankho ilanda onopalata 150. Ngwe ankho vembutuma konohamba ambuho mbova Hete no mbova Silia.