Neemiya
10 Vokwetavelele omphango avapake-ko otyilimbo+ ovava:
O Neemiya omutumini,* omona wa Hakaliya,
Na Sendekiya, 2 na Selaya, na Asaliya, na Selemiya, 3 na Pasule, na Amaliya, na Malikiya, 4 na Hatusi, na Sembaniya, na Maluke, 5 na Halii,+ na Melemote, na Ombandiya, 6 na Ndaniyele,+ na Sinetoo, na Mbaluke, 7 na Mesulau, na Ambiya, na Ambi, na Miyamii, 8 na Maasiya, na Mbilingai, na Semaiya; ovo ovanakwa.
9 Vomuhoko wa Levii ovava: o Sesuwa omona wa Asaniya, na Mbinwi umwe povana va Henandande, na Kandimiyeli,+ 10 na vana ankho velilandula navo: o Sembaniya, na Hondiya, na Kelita, na Pelaiya, na Hanaa, 11 na Mika, na Leombe, na Hasambiya, 12 na Sakule, na Selembiya,+ na Sembaniya, 13 na Hondiya, na Mbani na Mbeninu.
14 Ononkhalamutwe ovava: o Pateesi, na Paate-Moambe,+ na Elau, na Satu, na Mbani, 15 na Mbuni, na Asingande, na Mbembai, 16 na Andoniya, na Mbingivai, na Andimi, 17 na Atele, na Isekiya, na Asuli, 18 na Hondiya, na Hasuu, na Mbesai, 19 na Halife, na Anatote, na Nembai, 20 na Mangipiya, na Mesulau, na Hesile, 21 na Mesesambele, na Sandoke, na Sandwa, 22 na Pelatiya, na Hanaa, na Anaiya, 23 na Oseya, na Hananiya, na Hasumbe, 24 na Halowesi, na Pilia, na Sombeke, 25 na Leuu, na Hasambinaa, na Maaseya, 26 na Aiya, na Hanaa, na Anane, 27 na Maluke, na Halii na Mbaanaa.
28 Ovanthu ovakwavo, ovanakwa, no vomuhoko wa Levii, no vokuyunga konombundi, novaimbi, novaundapi vo mondywo ya Huku,* novanthu aveho ankho vatunda movanthu vovilongo ovikwavo opo valandule Otyitumino tya Huku yotyotyili,+ kumwe novakai vavo, novana vavo ovakwendye novahikwena, aveho vana ankho vena enoñgonoko, nounongo wokukungunyika,* 29 aveho avelikwate-po na vana velilandula navo, ovalume vokwankhimana, avelipopi umwe okuti ine kavaendela Motyitumino tya Huku yotyotyili, tyapelwe Mwisesi omunthu wa Huku yotyotyili, opo vamoneswe ononkhumbi, avati mavetavela umwe nawa ovitumino aviho vya Siovaa, Tatekulu yetu, novitumino viae vionomphela, neetyi apopia. 30 Avalae okuti: “Kamatunepesa ovana vetu ovafikwena kovanthu vovilongo ovikwavo, ovana vetu ovakwendye+ kamavanepe ovana vavo.
31 Ovanthu vovilongo ovikwavo avaeta ovipuka viavo, novilia viavo vielikalaila opo valandese monthiki Yotyasapalo,+ kamatulande natyike kuvo, nii Movityasapalo, nii monthiki ikola.+ Tupu menima lya pandu-vali kamatulimi,+ vana vetulevala kamatuvetanthe vali.+
32 Tupu, onthwe tweliavela omutengi wokuti omanima aeho matweeta opalata* opo tukwateseko ovilinga viondywo* ya Huku yetu:+ 33 yonombolo mbokulekeswa,*+ no yoviawa viovilia vilingwa apeho,+ no yoviawa viokwayokwa vilingwa Movityasapalo aviho,+ na tyina ohanyi yaviala,+ no yovipito pononthiki mbanakwa,+ no yovipuka vikola, no yoviawa vionkhali,+ opo ononkhali mba Isilayeli mbwevelwe, nokukwatesako ovilinga aviho viondywo ya Huku yetu.
34 Tupu, twatalesa tutale etyi tyiyemba kononkhwii, ovanakwa vomuhoko wa Levii, novanthu ovakwavo vena okweeta pononthiki mbanakwa, enima nanima mondywo ya Huku yetu opo vanthiakane nambo komutala wa Siovaa, Huku yetu, ngeetyi tyahonekwa Motyitumino.+ 35 Omanima aeho matweta mondywo ya Siovaa+ ovinyango viokwatetekela okupia momapia etu, no viokwatetekela okupia komiti aviho, 36 noviveli viovana vetu, no vyo motyiunda tyetu,+ ngeetyi tyahonekwa Motyitumino, nonongombe mbetu mbokwatetekela okutyitwa, nonongi mbatyo. Onthwe matuvieta kondywo ya Huku yetu, kovanakwa vaundapa mondywo ya Huku yetu.+ 37 Tupu, tuna okwetela ovanakwa,+ okweta movilimba* vyo mondywo ya Huku yetu,+ olukale lwovilia viotete,+ noviawa vietu, novinyango viomiti aviho, novinyu omphe, nomulela,+ novipuka vimwe vietyi twateya momapia etu, atwavela vomuhoko wa Levii,+ mokonda vomuhoko wa Levii ovo vakongolola momapunda-umbo aeho okulimwa, ovipuka vimwe vietyi twalima.
38 Omunakwa, omona wa Alau, una yokukala no vomuhoko wa Levii putyina vakongolola ovipuka vimwe pu evi vapewa; vomuhoko wa Levii vena okupola povipuka ovio, aveviave mondywo ya Huku yetu,+ monondywo* mbovilimba. 39 Mokonda omovilimba,* ova Isilayeli no vomuhoko wa Levii vena okutwala oviawa viovilia,+ no viovinyu omphe, no viomulela,+ omo mukala ovityuma vyo momphangu ikola, novanakwa vekahi nokuundapa, novayungi vo konombundi, novaimbi. Kamatulingi omusenyo ondywo ya Huku yetu.”+