Sombe
7 “Omwenyo womunthu tyina eli kouye, kakalela vala okututumba novilinga,
Kayungu vala ononthiki lwomuundapi ukevela ondyambi yae?+
2 Upeleya omwombelo, wahandavo apululukwe lwomupika,
Ulinga ngomuundapi ukevela ondyambi yae.+
3 Nanakelwa onohanyi mbehena ouwa,
Navalulilwa ovinthiki viononkhumbi.+
4 No pokulangala-po ndyilipula ndyiti: ‘Mandyipinduka-po-vo nalupi pahe?’+
Mahi etyi kunthikovela, ame ndyipinaunuka vala moula atee kutya.*
5 Olutu lwange lwepwila momativa, no momakaka eheke.+
Otyikova tyolutu lwange tyepwila movipute, tyepwila motulwa.+
6 Ononthiki mbulamba vala liwa, mbulamba vali liwa konguya yomunyiki,+
Ononthiki mbatyo mbulamba vala liwa, ambunthyi tyehena otyiwa ndyikevela.+
8 Omaiho endywete ñgaa, kaakamona-mona vali.
Omaiho ove maakanthaindya, mahi kaakamona vali, akambasa hiko vali.+
10 Kekeya vali meumbo liae,
Kakaimbuka vali apa akalaile.+
11 Naina ame himamutu vala.
12 Okuti ame, ame lunga, ine ame, ame nyama liomomeva,
Okuti mwesukisa okwovola omunthu undyunga?
13 Etyi ndyiti: ‘Oula wange haa umphameka,
Andyiti haa unkhwatesako, autepulula kononkhumbi mbange,’
14 Ove umpha onondyoi mbutilisa owoma,
Ove unthumphulukisa nomamonekelo,
15 Soka nokunkhia kwatyo, hahe vali nakwatelwe omphupu,*
16 Pahe nelilovola umwe,+ nomwenyo wange hiuhande-ale vali.
Ndyeke ndyikale andyike, ononthiki mbomwenyo mbafwa vala okamphepo katunda momulungu.+
18 Mwene upindukila umwe vala okumutala apeho,
Oityi umulingila ñgaa?+
19 Okuti mopangaila vala okunthala, omaiho kweempholo-ale,
Okuti kumandyeke-ale nkhele ndyikondole-vo vala omate?+
20 Ngatyitiwa ñgoo nalinga onkhali, tyina etyi tyikulinga, ove Weete ovanthu aveho?+
Oityi wapangulila-po vala ame?
Okuti pahe wepwila kunthyande vali?
21 Oityi wahandyevelela vala ovivi nalinga,
Kumpholela-po-vo vala etyi nalinga tyapenga?
Apa katutu mandyilangala meheke,+
Ove mokanthaindya, mahi kukambasa, mokavasa hiko vali.”