Sombe
10 “Ame pahe omwenyo wange neutoya umwe!*+
Mandyipopi atyiho tyindyihama.
Mandyipopi tyeihamenwa.*
2 Mandyipopila Huku okuti: ‘Wahambele onombei.
Nkhele mphopile, oityi undingila ngoti napengesa?
3 Oityi upola-po-vo tyina ulinga omunthu onya,
Oityi upola-po tyina utomba ovilinga viomavoko ove,+
Pahe soka wafweva onomphango mbonondingavivi?
4 Okuti ove utala nomaiho ngo ovanthu?
Okuti okutala kwove kwafwa kwomunthu?
5 Okuti ononthiki mbomwenyo wove mbulifwe no mbomunthu?
Okuti omanima omwenyo wove elifwe pomanima ovanthu,+
6 Oityi ove wahanda umwe hono woovolela etyi nalinga tyapenga,
Woovolela-tyi onkhali yange?+
8 Mwene omavoko ove anthyetaika, aanthungu,+
Mahi pahe soka ove wahanda okunthyanya.
10 Ove have wandyuyulile ngomahini,
Have wanthyakele ndyikale ngomulela?
11 Ove wamphaka ohitu notyikova,
Onyikila omankhipa nomahipa.+
13 Mahi mwene wahanda umwe okulingila ovipuka vyo pokamphengi.*
Ndyityii okuti ovipuka ovio viatuka kwoove.
14 Ine tyitiwa nalinga onkhali, ñgeno wamona,+
Ñgeno kwandyekele ngwe nalinga onkhali.
15 Ine ame, ame napengesa, opo nelietela!
16 Ame okukatula omutwe, ove wandyolamena ngonkheyama,+
Ove unthyungika vali ononkhono mbove, ondwisa.
17 Unthuma vali onombangi ononkhwavo vambela onombei,
Unumanena vali unene,
Pahe andyitumbukilwa vala novitateka vililandula.
18 Naina, oityi wampholela meimo lya mee?+
Soka ankho nankhile anahamonwa-le, ñgeno hahe.
19 Ñgeno hahe, mwene ñgeno no kouye ngoti haliko-ale.
Ñgeno nati vala tundee meimo andyitwalwa no meendo.’
20 Ononthiki mbomwenyo+ wange mwene kambuhi-ale. Andyeke-vo vala;
Ahanthale-vo vali, hamwe ndyifima-po-vo*+ vala,
21 Andyeke-vo vala nkhele — mandyeende-ale himakondoka-le vali+ —
Mandyeende-ale kotyilongo tyenthiki enene,*+
22 Kotyilongo tyepuputu,
Otyilongo tyokuna okafi okanene, otyilongo tyombwandya,
Otyilongo tyokuti, notyimimi vala tyafwa epuputu.”