Sombe
15 Elifasi+ wokwatukile mu Temaa, apopi ati:
2 “Okuti omunongo upopia vala evi viahai-na-mutwe,*
Ine meimo mapakemo omphepo yo koutundilo ngayo iyula-mo?
3 Okupopia vala evi viahatiwa ovievi, hatyiwa,
Okulipopila vala katyipe.
4 Ove ulingisisa vakwenyi avahatili owoma Huku,
Ove ulingisisa umwe vakwenyi no ku Huku avahasoko-ko.
5 Onkhali yove, oyo ilongesa omulungu wove okupopia,
Opopi onondaka mbuyondya.
6 Omulungu wove oo mwene ukukwatesa, ame hame vali;
Omilungu viove, ovio mwene vikukwata.+
7 Okuti ove watetekela okutyitwa, ovipunda viekuvasa-ko?
Okuti ovipunda viya-ko tupu, ove ankho watyitwa-le?
8 Okuti ove wiiva etompho lya Huku ahahandele liivale?
Ine naina wati vala hamwe ove munongo?
9 Ñgaa ove una etyi wii onthwe twehei?+
Okuti ove una etyi unoñgonoka, onthwe twahanoñgonoka?
10 Pano pati umwe opo pena vonohuki onongonga, opo pena ovakulu,+
Pena ovalume ovakulu, ovakulu vali ku ho.
11 Etyi Huku ekupameka katyatuukile?
Onondaka onongwa ekupopila kambutuuka?
12 Oityi omutima wove ukutwaila nohika?
Oityi wanumanena tyekupanesa momaiho ñgaa?
13 Soka ove unumanena umwe Huku,
Momulungu wove amutundu onondaka ngo ombo!
14 Ove wati hamwe nomunthu upondola okutiwa wasukuka?
Wati hamwe omunthu upondola okutiwa ondingaviwa?+
15 Tala! Una kayumbu-ale onthumbi movasukuki vae,
Neulu vala komaiho ae, kaliasukukile.+
16 Ove wati hamwe masuku nomunthu utoyesa, wati vala nokulinga ovivi,+
Omunthu uti umwe novivi uvinwa ngomeva!
17 Mandyikupopila, tehela kuno!
Mandyikutolela etyi namona,
18 Mandyikupopila ovipuka ovanongo vapopia, ovipuka veivile ko vohe,+
Vapopia ovipuka ovio kaveviholekele.
19 Otyilongo o tyavo, ovo vala vetyipewa,
Puvo kapakalele onthunda-vilongo naike.
20 Omunthu wokulinga ovivi umona vala ononkhumbi ononthiki ambuho,
Wonya umona vala ononkhumbi omanima aeho.
21 Wiiva vala ovipuka vitilisa owoma momakutwi ae.+
Na apa ankho matiwa ena ombembwa, omakongombanda aemulwisa.
22 Nokuti vala makutyi ahamono ovihuna kounthiki, ketyisoko-ale.+
Makankhia komutunga.
23 Utyikauluka vala wahanda okulia,* upula uti: ‘Kuli-pi?’
Mwene nae utyii okuti onthiki yenthiki, ili popepi.
24 Otyiho, nokweihamenwa, vimutilisa owoma,
Vilinga ngohamba yamaneka maimulwisa.
25 Mokonda ukatulila Huku okuvoko,
Wahanda okulwisa* Omuvili wa Atyiho.
26 Uhateka umwe uviuka ku Huku oe ahanda okupambeka nae,
Uya nondyakulilo yae onene, yokwakola.*
27 Otyipala tyae otyomunthu womakamo,
Pahe wanina no monomanekelo una ovilenga.
28 Omapunda-umbo akala, maakahanywa-ko,
Uli monondywo mamuhakakala omunthu nawike,
Mambukakala ononthumbo mbomamanya.
29 Kamakakala omuhona, olumono lwae kamalukalinga olunyingi,
Olumono lwae kamalukeliyandyana kombanda yohi.
30 Kamahupu, enthiki kamalimuhupisa.
Omutemo maukavaula ondyovo yae,*
31 Kapondola okuyapuka, ayumbu onthumbi mu etyi tyahasilivila,
Mokonda etyi tyahasilivila otyo vali makapewa.
32 Otyo meketyilingwa tyina nkhele onthiki yae yehenehike-po,
Onompha mbae kamambukayova vali.+
33 Makalinga ngomuti wonouva wapukumuka onouva mbahapile,
Makalinga ngomundyambi wapukumuka ononthemo mbao.
34 Ava vokwehena owoma na* Huku vetupu olutyito,+
Otupia matukayoka-po onohinge mbukala vokulipumwa-po.
35 Vapitwa ononkhumbi, avakutula ovivi,
Meimo liavo mweeta ounkhembi.”