Sombe
36 Eliyuu atwala-ko nokupopia, ati:
2 “Nkhele nkhevele-po vali katutu, pwa elundo, ame ndyihangunune,
Nkhele ndyina etyi nahanda okupopia, ndyipopile-ko Huku.
3 Mandyipotoyola umwe nawa etyi ndyii,
Matyiivala umwe nawa okuti, Una wanthunga oe vala omuviuki.+
4 Ame, onondaka ndyipopia, hamatutu.
Wokwii atyiho,+ uli pano, muna-e pano.
8 Mahi ine vakutwa nomalienge,
Ine vakutwa nonongoi mbononkhumbi,
9 Mevepimphululila evi valinga,
Mevepimphululila ononkhali valinga, ombu valinga okwehetavela kwavo.
10 Upatula momakutwi avo, eveviyule,
Eveti hondovokei kovivi.+
11 Ine vemutavela, avemulingila,
Ononthiki ambuho vena omwenyo mavakaputuka,
Aa omanima avo, maakahambukiswa.+
13 Vomutima wehetavela* Huku, mavakakala nonkhongo.
Na tyina evekuta nii kavaulula onkhwo.
14 Kavekulu-ale, vankhia* vala liwa,+
Vanyona* omwenyo wavo, velinyona umwe novalume omakunga omondywo yokufendela.+
15 Mahi vokwamona emone, Huku* uveyovola mononkhumbi vena-mbo.
Upatula momakutwi avo tyina valingwa onya.
16 Huku ukuhukulula mononkhumbi,+
Ekutwala apa pahandyuka, okelihandya,+
Okapola ononkhono kokulia kupepa mokalia-alia.+
17 Okwiiva etyi matyilingwa onondingavivi tyina omphela yavo yamapu, mokahambukwa,+
Mokahambukwa tyina omphela yavo yamapu, pahe akusala vala oviwa.
19 Okuti onkhwo yove oyo maikuyovola?
Okuti moyovoka mononkhumbi kononkhono mbove?+
20 Wahapeleye otyinthiki,
Oola ovanthu pahe vapita-pita.
21 Lunguka, wahakondoke movivi,
Wahakondoke movivi, hahe ulihule vala kononkhumbi.+
22 Tala! Huku omunene una ononkhono.
Okuti kuna omulongesi aelekwa nae?
25 Ovanthu aveho vevimona,
Ovanthu aveho vevitalela vala kokule.
26 Huku omunene unene, katumuvili-ale okumunoñgonoka.+
Kotyifwe tyomanima ae, oko pahe katupolo-ko-ale vali nii vala katutu.*+
27 Unanena meulu omata omeva.+
Aeliongiya, aaeta ombila,
28 Aa omakaka ngao eyuuyula-mo,+
Ailokela ovanthu aveho.
29 Okuti pena omunthu upondola okunoñgonoka oñgeni omakaka ekahi?
Okuti pena ou upondola okunoñgonoka oñgeni omititimo vitunda mohinge yae?+
30 Nkhele tala vala otyipuka atandaveka omuliakulo wae*+ kombanda yohinge yae.
Tala vala otyipuka ahika elunga, ulihika umwe no kohi.*
32 Uholeka omuliakulo nomankhanya ae,
Euviukisa mweetyi apangula-po.+
33 Omutitimo wae, umukalavandya,
Soka novipako vipopia umwe olie uli* nokuya.