Selemiya
6 Ovolei omaleva, vana va Mbesamii, endei kokule no Selusalei.
Mokonda mbeya ononkhumbi mbutunda kombanda, ehanyauno enene.+
2 Omona wa Siyau omukainthu ulinga lwomukai omuwa, omphombi.+
3 Novanthita novipako viatyo maveya.
Mavakatunga onohinge mbavo, avelisete nayo,+
Aveho matyikati ou ukalisa ovipako viae, ou ukalisa ovipako viae.+
4 “Manekei* tukeilwise!
Twendei! Twiilwisei komutenya watokota!”
“Ouu tala! Onthiki oyoo ihika kombitukilo,
Okahi kekumbi liokutaka kekahi nokutandavela.”
5 “Twendei! Twiilwisei kounthiki,
Atuhanye-po ovimato viae viokwapama.”+
6 Mokonda Siovaa Huku yovita wati:
“Tyokelei o Selusalei omapundi ondondelo yokulwa.+
Eli epunda-umbo, lina okutyepa kovivi vialio.
Mutupu vali natyike mulio, ononkhumbi vala.+
7 Ngeetyi onyombo itendeleka nawa omaande ayo,
Nepunda-umbo olio, litendeleka ovivi vialio.
Okuliipaa, nokuhanya, otyo vala tyiivalela-mo;+
Nouvela novihuna apeho vili kotyipala tyange.
8 Lunguka ove Selusalei, okwahalingi ngootyo mandyikuyale,*+
Mandyikulingi ekongola, otyilongo tyahakalwa.”+
9 Siovaa Huku yovita wati:
“Mavakapupaulula ava vahupa mo Isilayeli, ngomayundilile onouva mbupupululwa komiti mbwiima.
Kwatesa vali okuvoko kwove komiti vionouva, ngo wokunyanga onouva.”
10 “Olie ndyina okupopila, andyimulondola?
Olie mendyivi?
Mokonda valia ovihita-matwi* kavetyivili okunthehelela.+
Tala! Ondaka ya Siovaa yalinga otyipuka valinga omusenyo;+
Muyo kavamono-mo etyi tyivehambukiswa.
“Inengulila komona metapalo+
Kotyinkhunkha tyovakwendye veliongiya.
Mokonda aveho mavakakwatwa, omulume makwatelwa kumwe nomukai wae,
12 Omaumbo avo maapakulilwa ovanthu ovakwavo
Kumwe nomapia avo novakai vavo.+
Mandyitandavekela okuvoko kwange ovanthu votyilongo etyi,” o Siovaa wetyipopia.
13 “Okuhimbikila umwe kovana atee kovakulu vatyo, aveho vamonena moumphulu;+
Tyihimbikila komuuli atee komunakwa, aveho vavaka.+
14 Vahakula vala kombanda ovipute viovanthu vange, otyo vati:
‘Ombembwa! Ombembwa!’
Ngwe petupu mbembwa.+
15 Okuti ovipuka vitoyesa valinga vievekundisa-vo?
Ovo kavakundu-ae na kapii vala!
Nii vala tyitiwa okukunda kavetyi-ale!+
Otyo mavakatokelela pu ava vatoka-le.
Otyo mavekelipundukila tyina ame nameveetela etyi vehiwa okulingwa,” o Siovaa wetyipopia.
16 Etyi otyo tyapopia Siovaa wati:
“Talamei ponondyapu, mutale.
Pulei onondyila ononkhulu,
Pulei opi kuna ondyila yaviuka ngaamo mwendela,+
Onwe* mamuvasi omapole, mamupululukwa.”
Mahi ngwe vati: “Kamatwendela muyo.”+
Mahi ngwe avati: “Onthwe kamatutehelela.”+
18 “Tehelelei, onwe vanthu vovilongo!
Tyinoñgonokei, onwe maonge-onge ovanthu,
Etyi matyiveendela.
19 Tehelela, ove heke!
Ame oo ndyeetela ovanthu ava ononkhumbi,+
Tyilinge otyinyango tyovipuka mwene vapanga,
Mokonda kavatehelele ondaka yange,
Vaanyene otyitumino tyange.”*
20 “Wati hamwe nesuka nolimbanu yove mopolo ko Sambaa,
Nomwenge upepa* wo kotyilongo tyo kokule?
Ovipuka upakula viokuyokwa, kavitavelwa,
Ovilikutila viove hivihambukilwa.”+
21 Naina etyi otyo tyapopia Siovaa, wati:
“Mandyipake komutwe wovanthu ava omamanya atokesisa,
Omo mavelipunduka,
Novohe novana,
Ava velitungaila navo, nomapanga avo,
Aveho mavakankhia.”+
22 Etyi otyo tyapopia Siovaa wati:
“Tala! Kuna ovanthu vamwe vatunda kombamda,
Ovanthu votyilongo otyinene, veli nokupahulilwa-po kokule-kule.+
23 Mavakakwata ononkhondyi nomaonga.
Ovakalavi, kamavakalinga onkhenda.
Ondaka yavo maikapupa ngomaande elunga,
Mavekeya tyavelama kononkhambe.+
Mavekekweendela vekulwise lwovita velionga omutete, mona wa Siyau omukainthu.”
24 Twetyiiva otyo tyili nokupopiwa.
25 Wahalupuke oende kepia
Wahakwate momatapalo,
Mokonda ondyale ina omutunga;
Ohika aiho yatilisa owoma.
26 Mona omukainthu wovanthu vange,
Vala onosaku,+ oalangata metwe.
27 “Nekulingila omunthu* utala ovivela pokati kovanthu vange,
Ou utala nawa atyiho;
Lunguka, tala nawa onondyila mbavo.
Vekahi ngotyitasu, vekahi ngotyivela;
Aveho vala ovimphulu.
29 Omuyeveyo* wavauka momutemo,
Otupia twaeta vala otyivela tyosumbu.
30 Ovanthu mavekeveti opalata yehetavelelwe,
Mokonda Siovaa weveanya.”+