Selemiya
7 Ei ondaka yaendela Selemiya yatunda ku Siovaa yati: 2 “Kala tyitai kombundi yondywo ya Siovaa, popia onondaka ombu: ‘Tehelelei ondaka ya Siovaa, onwe amuho vomo Sundaa, munyingilila konombundi ombu mukafende Siovaa. 3 Etyi otyo tyapopia Siovaa Huku yovita, Huku yo Isilayeli wati: “Viukisei onondyila mbenyi nonontheto mbenyi, ame mandyimuyeke mukale-kale muno.+ 4 Mwahayumbei onthumbi monondaka mbokukemba nii mwahatiei: ‘Ei* ondywo ya Siovaa, ondywo ya Siovaa, ondywo ya Siovaa!’+ 5 Mokonda ine onwe muviukisa onondyila mbenyi nonontheto mbenyi, amwaame kweetyi tyaviuka pomphela yomulume umwe na mukwavo,+ 6 ine kamulingi onya onthunda-vilongo, nononthyiwa,* novahepe,+ amwahaipaa ou wehena etyi alinga tyina muli motyilongo omu, amwahalandula ovika-huku vimunyona,+ 7 ame mandyimuyeke mukale-kale motyilongo omu, otyilongo napele onombwale mbenyi amukala-kala-mo atee-tee.”’”*
8 “Mahi onwe muli nokuyumba onthumbi monondaka mbounkhembi+ — kamatyimupe natyike. 9 Onwe muti onwe kokuvaka,+ onwe kokwiipaa, no kokulinga vioumbalehi, nokwaana omatutu,+ nokulingila Mbaale ovilikutila,*+ nokulandula ovika-huku mweheiyale, 10 pahe amuya, amutalama ponthele yange mondywo yenyina liange, amuti: ‘Twayovoka’ ngwe mwalinga ovipuka vitoyesa? 11 Okuti ondywo yenyina liange ilinga eleva liovimphulu komaiho enyi?+ Ame pano ndyilieeteleko mwene,” o Siovaa wetyipopia.
12 “‘Endei komphangu yo ko Silo+ omu tete mwali enyina liange,+ talei etyi neilinga mokonda yovivi ovanthu vange ova Isilayeli valinga.+ 13 Mahi onwe mupangela vala okulinga ovipuka ovio aviho,’ o Siovaa wetyipopia, ‘namphila napopia noonwe nawana-wana,* onwe kamwandyivile.+ Ame ndyipangela vala okumwiihana, mahi onwe kamutavela.+ 14 Ondywo ei yenyina liange,+ ondywo onwe mwayumba onthumbi,+ napele onwe nonombwale mbenyi, mandyiilingi ngeetyi nalinga o Silo.+ 15 Mandyimutaata kotyipala tyange, ngeetyi nalingile aveho vana mulilandula navo, vana vatuka mu Efalaii aveho.’+
16 “Mahi ove wahalingile omalikwambelo ovanthu ava. Weheliyave, nii wehelikwambele, nii wehelifefe kwaame ngavo ulingila,+ mokonda ame himekutehelela.+ 17 Ove etyi valinga kutyeete, valinga momapunda-umbo o Sundaa, no momatapalo o Selusalei? 18 Ovana vatiava ononkhwii, ovo he vanthiakana otupia, ovakai vakoha enthapi* valingile Onkhai-hamba yo Keulu*+ omingome; vanengulila oviawa viovikunwa ovika-huku opo vanumanese umwe.+ 19 ‘Okuti ame vekahi nokunyona?’* o Siovaa wetyipopia. ‘Havo mwene, halukundo lwavo mwene?’+ 20 Naina etyi otyo tyapopia Tatekulu Ohamba Onene Siovaa wati: ‘Tala! Onyengo yange mainengukila otyilongo etyi,+ nolunuma lwange, kombanda yovalume, novinyama, nomiti vyo mepia, novinyango vyo motyilongo; onyengo oyo maiteme, ayahanyimwa.’+
21 “Etyi otyo tyapopia Siovaa Huku yovita, Huku ya Isilayeli wati: ‘Endei komutwe, honyekei ovilikutila viokuyokwa novilikutila vienyi ovikwavo, amuli ohitu yatyo.+ 22 Mokonda, monthiki napolele onombwale mbenyi kotyilongo tyo Isitu, hevepopilile, nii hevetumine natyike tyokulinga oviawa viokuyokwa novilikutila.+ 23 Mahi ame nevepele otyitumino etyi: “Tavelei ondaka yange, ame mandyilingi Huku yenyi, onwe amulingi ovanthu vange.+ Apeho endelei mondyila nemutuma opo ovipuka aviho vimweende nawa.”’+ 24 Mahi ngwe avehetavela nii avahayendeleka okutwi kwavo;+ mahi avai mwene neevi vapanga,* avatesa onkhango, avalandula omutima wavo omuvi,+ avakondoka no konyima, avahaende no komutwe, 25 okuhimbikila umwe monthiki onombwale mbenyi mbatunda kotyilongo tyo Isitu, atee hono.+ Otyo ame ndyimutumina ovaundapi vange aveho, ovauli; ndyivetuma nthiki na nthiki, okuwana-wana.*+ 26 Mahi ovanthu ava kaventhavela nii kavandyendelekela okutwi.+ Valia ovihita-matwi,* valinga vali ovivi tyipona konombwale mbavo!
27 “Ove mokevepopila onondaka ombo ambuho,+ mahi kamavekwiivi; ove mokeveihana mahi ngwe kamaveketavela. 28 Ove mokeveti: ‘Onwe kamwetavelele ondaka ya Siovaa Huku yenyi, nii kamwetavelele okuviyulwa. Tyokukakatela motyiwa tyavomba, atee umwe katyipopiwa vali pokati kenyi.’*+
29 “Likulula onohuki* ombuyumbuhi, kovipunda viehena omiti, imbila-ko ongengeya* mokonda Siovaa wekwaanya, mayeke-po ovanthu ava vomuvo uno vemunumanesa. 30 ‘Ovanthu vo Sundaa valinga ovivi komaiho ange,’ o Siovaa wetyipopia. ‘Vapaka ovika-huku viavo vitoyesa mondywo yenyina liange veisilise.+ 31 Vatunga onomphangu mbukola mbaya peulu mbukala ko Tofete Melola Liomona wo Hinoo,*+ opo vayoke motupia ovana vavo ovakwendye novakainthu,+ otyipuka ame nahatumine, nii tyeheile-ale komutima wange.’*+
32 “Tala! omboo mbuya ononthiki,’ o Siovaa wetyipopia, ‘ononthiki ohika ei yahamakatiwa vali o Tofete nii kaikatiwa vali elola Liomona wo Hinoo,* maikatiwa Elola Liokwiipaa. Mavakapaka ovivimbi ko Tofete atee kwehesala vali mphangu.+ 33 Ovivimbi viovanthu ava mavikalinga okulia kwoviila meulu no kwovinyama viomeheke, apahamono nawike uvitaata.+ 34 Mandyikatalameka ondolo, no tyokukwilila, nondaka yomulume manepe, no yomukai manepwa,+ momapunda-umbo o Sundaa no momatapalo o Selusalei, mokonda otyilongo etyi matyikalinga omphile.’”+