Isekiyele
24 Ondaka ya Siovaa aindyendela vali monthiki 10 yohanyi 10 yenima lya tyive, aiti: 2 “Mona womulume, onthiki ei* ihoneka, onthiki yo hono. O hono umwe ñgaa ohamba yo Mbambilonia yahimbika okulwisa o Selusalei.+ 3 Popia omuhe* upopia eumbo lionomphuki, vepopia uti:
“‘Etyi otyo tyapopia Tatekulu Ohamba Onene Siovaa, wati:
“Paka-po ombiya,* paka ombiya potupia, tila-mo omeva.+
4 Paka-mo ovinthuli viohitu,+ ovinthuli aviho vikahi nawa,
Paka-mo otyitumbo, nokuvoko; yulisa-mo omankhipa ekahi vali nawa.
5 Pola motyunda ongi yokwanina vali,+ opake ononkhwii ononyingi pombiya.
Hilula ovinthuli, teleka omankhipa eli-mo.”’
6 “Etyi otyo tyapopia Tatekulu Ohamba Onene Siovaa wati:
‘Epunda-umbo liokumomesa ohonde,+ liombiya yasila, yahapelelwe osilo yatyo, ngongo yalio!
Ovinthuli mombiya vipola-mo, tyike-tyike;+ mahi wahakoye.*
7 Mokonda, ohonde yamomeswa nepunda-umbo olio,+ nkhele ili mokati kalio. Lieimomehila kombanda yonkhanda yasesa.
Kalieimomehilile pohi opo ihihilwe neheke.+
8 Opo linkhalese nonyengo, andyilikondolela etyi lialinga,
Ohonde yalio, neipaka konkhanda yasesa,
Opo yahahihilwe.’+
9 “Etyi otyo tyapopia Tatekulu Ohamba Onene Siovaa wati:
‘Epunda-umbo liokumomesa ohonde, ngongo yalio!+
Ame mandyongiya onthumbo onene yononkhwii.
10 Ongiyei ononkhwii, nthiakanei otupia,
Telekei ohitu, tilei-mo omuhole, lungwinisei omankhipa.
11 Pakei ombiya yehena natyike komakala itokote,
Atee otyitasu tyipia atyikuhuka.
Osilo yayo maisengulukila mokati katyo,+ ofulusu yatyo aipi.
12 Etyi tyinumanesa, tyiponeswa,
Mokonda ofulusu yatyo onyingi kaili nokutunda.+
Yumbei ombiya motupia nofulusu yatyo!’
13 “‘Okwasila kwove kwatuka kovituwa viove vikundisa.+ Ame nahetekela okukusukula, mahi ove kwasukukile konkhako yove. Ove kumasukuka-le atee onyengo yange yekweendela ilamba.+ 14 Ame, ame mwene Siovaa netyipopia. Otyo, matyikalingwa umwe. Mandyityilingi tyehena oluhuhu, tyahalingi onkhenda, tyahakondoka konyima.+ Omphela yove mavekeikoya okuyemba konondyila mbove mwene, no ku evi walinga-linga,’ o Tatekulu Ohamba Onene Siovaa wetyipopia.”
15 Ondaka ya Siovaa aindyendela vali aiti: 16 “Mona womulume, nkhuvanga vala like, okukupola wove uhole.+ Mahi ove weheliyave;* nii wahalile, wahatokese ononkhuka. 17 Kemena vala kohi, wahalinge otyiso tyokulula tyilingilwa vokwankhia.+ Vala omulami wove,+ nononkhaku mbove.+ Ove wahahike komulungu,*+ nii wahalie ombolo waetelwa na vakwenyi.”*+
18 Ame andyitolela ovanthu komuhuka, tyina tyiti kongulohi, omukai wange anyimi. Etyi kwatya, andyilingi umwe etyi natumwa. 19 Ovanthu avamphulu avati: “Ove ñga kutupopila ovipuka evi uli nokulinga oviatyi?” 20 Ame andyivekumbulula andyiti: “Ondaka ya Siovaa yandyendela yati: 21 ‘Popila eumbo lya Isilayeli uti: “Etyi otyo tyapopia Tatekulu Ohamba Onene Siovaa, wati: ‘Ame oo ndyisilisa omphangu yange ikola,+ ei onwe mulihapela, ei muhole, ei omutima wenyi uhambukilwa.* Ovana venyi novakwendye, novakainthu, ava mwasa-po, mavakankhia komutunga.+ 22 Noonwe mamukalinga ngeetyi ame nalinga. Kamukelihika komilungu vienyi, kamamukalia ombolo mwaetelwa na vakwenyi.+ 23 Onwe omilami vienyi mavikakala momitwe, ononkhaku mbenyi ambukakala umwe konomphai. Onwe kamamukeliyava, kamamukalila. Mahi, mamukavolela movivi vienyi,+ atyikati ou ukema ou ukema. 24 Isekiyele walinga otyilekesa tyenyi.+ Onwe mamukalinga umwe etyi alinga. Tyina otyo tyameyapo, onwe mamukankhola umwe okuti ame, ame Tatekulu Ohamba Onene Siovaa.’”’”
25 “Mahi ove mona womulume, onthiki mandyivepolo otyimphaka tyavo tyapama — otyiwa tyavo tyivepa ehambu, etyi vehole unene, etyi omutima wavo uhambukilwa* — navo novana vavo ovakwendye novakainthu,+ 26 ove moketyiiva vala ku umwe wahupa.+ 27 Monthiki oyo, ove mokaikula omulungu wove, okapopia no ou wahupa, ohakakala vali otyihita mulungu.+ Ove mokalinga otyilekesa tyavo, ngwe mavakankhola umwe okuti ame, ame Siovaa.”